MATHAI 13:39 - Bawm Common Language Bible Version

³⁹ Mêlma, a vawrhtu chu Diabol asi; fâng ât chu laikulh dawnghnâk ding asi; fâng âttu tla chu vânmifial tla an si.

MATHAI 13:39 ပူးပေါင်းရင်းမြစ်များ

DANIAL 7:10

chu thawk hen chun mei tiva a hawng suak, mi sâng tam tak nih a rian an ṭuan piak le, mi nuaikhat a mâika ah an dîr, lâirêlnâk chu dawmh asi le, lasuibu tla an kêu.

JOEL 3:13

An sual tuktarâi; fângzûn liau fâng tla hâwi hen ât phin na le; grep a sûrnâk lakah a uain hâng suak rê hen an sûr mi hâwi hen sûr na.

MATHAI 12:32

Chun, âuzawng Minung Fapa simsâwitu zawng chu an simsiatnâk chu ngaihdam piak asi lai; âuzawng Thlarau Thenhlimh ngâi simsâwitu zawng lam chu an simsâwinâk chu tu dam sung khawm ah, tik hawng tlung ding mi khawm ah chun ngaihdam piak asi lai lo.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 13:25

sikhawmsele, mi an it thlit karah a mêlma a hawng kal le, fâng lakah chun fâng telê a vawrh le, a kal nawlh ving.

MATHAI 13:28

Chun, anih nih chun an sinah, ‘Mêlma nih a hawng ti mi ma chu!’ a ti. Chun, to-aw tla nih chun, ‘Asi chun chubang tla chu va pumh ko sele rem na ti ma?’ an ti.

MATHAI 13:40

Chuvachun, fâng telê tla chu an pumh hen mei ah an duah hâwi hen laikulh dawnghnâk ah chun a um lai.

MATHAI 13:49

Laikulh dawngh tikah chun chu hâwi ber hen a um lai. Vânmifial tla chu an hawng suak lai le, mirep lakah mi misual tla chu an thlei na lai;

MATHAI 24:3

Chun, Oliv Tlângah chun a to liauah ṭhiruai tla anmah lâwng hen a sinah an hawng kal le, “Chubang chu zeitik ah me a hawng um lai? Na hawng kal nawlhnâk leh laikulh dawnghnak singsiahnâk chu zei me si lai? Hawng kan simh rawh,” an ti.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

1 KORIN 10:11

Chun, chubang chu zauhtirnâk ding hen an tlûnah a hawng thlung asi kha; kannih, tik dawngh hawng tlungnâk tla hi, nun hawng kan simhnâk ding hen an rîn asi ber.

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.

HEBRAI 9:26

Chu hâwi si lah sele tual tuah tîr thawk hen vei tam tak a tuar rawh ding asi; sikhawmsele, tuliau hun dawnghlei ah hin bâwlnâk ah va a mang chawlh hen sual veihnâk ding hen veikhat ah a hawng lang asi.

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

JUD 1:14

Adam thawk hen san sarihnâk Enok nih chun chubang tla thu chu hun sâwt tak thawk hen a simkan rawh asi, “Ngâinik u, Pathian lunglotu tla nih an thilti leh an thusim ṭihnungkâi tak leh Pathian an simsiat ruangah, lâirêl ding hen Lalpa chu a vânmifial thenhlimh sâng tam tak hen a hawng awt,” ti hen.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.