MATHAI 13:38 - Bawm Common Language Bible Version

³⁸ “Chî ṭha vawrhtu chu Minung Fapa hi asi; lo chu laikulh hi asi le, chî ṭha chu Pathian Ram fa tla an si le, fâng telê chu Setan fa tla an si.

MATHAI 13:38 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

SAM 22:30

Hi nûnthâi ah thlâk tla nih a rian an ṭuan piak lai; mi nih thlâk a hawng um ding mi sinah LALPA thu chu an sim lai.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

HOSEA 2:23

Ka mi tla chu ram lakah ka birtir lai le, sul-le-lam tluang tak hen ka siam na lai rawh. “Dâwtlo” an si mi chu, ka dâwtnâk ka zauhtir na lai le, “Ka mi tla ansi lo” an ti mi tla chu “Ka mi tla nan si,” ka ti lai. Annih nih, “Kan Pathian na si,” an ti lai.

MATHAI 13:19

Âuzawng nih Ram thu chu nâ nih a theih hen, a ngaihtawnh dân a theih lêm lo chun Setan chu a hawng kal le, a thinlung ah vawrh chia chu a suh ving tâwn. Chu minung chu lam vâu ah vawrh mi chu asi.

MATHAI 24:14

Chun, hi Ram Thâwngthâng Ṭha hi phun zawzawng theihtirnâk ding hen laikulh zawzawng ah sim hen a um lai; churawhchun a dawnghnâk a tlung lai.

MATHAI 5:37

Nan thusim chu asi mi chu si seh,’ ‘Silo mi chu silo ko seh,’ chu ngâk hen a lei mi chu Setan lakah suak asi.

MATHAI 8:12

Ram fa tla lam chu lênglei mûi ah chun suah hen an um lai le, chun ah chun ṭap leh hachang rial chu a um lai,” a ti.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

JOHAN 12:24

Thungâi tak hen ka nan simh na, fâng mal tual ah a tlâ hen, a thi lo chun, amah lâwng hen a um kumza tâwn; a thi lam chun tam tak hen a rah tâwn.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

THILTI 13:10

“Nang diabol fapa, nang repnâk zawzawng huatupa Lalpa lampi rep tak tla hi siattir na bâng lo mu?

ROM 10:18

Sikhawmsele, ka deih le: Thu an theih lo mi hi a dik tak ma? Theih ta a, Pathian lasui thu nih a sim hâwi khan: “An hâu chu ram kip ah a thang le, an thu kâwlkil tiang hen a thang rawh,” ti hen.

ROM 16:26

Tuah lam chun langhtir asi le, lungnâk chu a zûl khonâk ding hen, zungzâl Pathian thupêk hâwi vima hen khuavâng tla lasui thu hen phun kip sinah theihtir asi rawh.

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

KOLOSA 1:6

Chu Thâwngthâng Ṭha chu laikulh zawzawngah rah hen a pung vima hâwi hen nan sinah a tleng kha. Chu hâwi ber hen, Epaphra kan to-aw hâwi duhtak lakah nan châwng hâwi hen, thungâi tak hen Pathian zângfahnâk chu nan ngâi hen nan theih ni thawk khan, nanmah lak khawm ah rah hen a pung vima tâwn asi.

JEM 1:18

Amah duhzia hâwi hen thudik ah hawng kan ring le, a thilsiam zawzawngah mun masa chem kan luah khonâk ding hen.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

THUPHUANG 14:6

Chun, tual ah an um mi tla, phun kip tla, chi kip tla, hawlh kip tla, mi kip tla sinah zungzâl Thâwngthâng Ṭha thuchah sim ding hen vânmifial dang vân chung sâng ah a zuang mi ka muh.