MATHAI 13:3 - Bawm Common Language Bible Version

³ Chun, tahṭhimh thu hen thu tam tak an sinah a sim le: “Fachî vawrhtu fachî vawrh hen a kal.

MATHAI 13:3 ပူးပေါင်းရင်းမြစ်များ

SAM 49:4

Thu thûk chu ka ngâi lai le, a umzia chu ṭingṭang tum hen ka simhfiang lai.

SAM 78:2

A lânah kan pa le nih hawng kan simh le,

EZEKIEL 17:2

Thikho mi minung, Israel mi tla chu tahṭhimhnâk thu,

EZEKIEL 20:49

Sikhawmsele, kei nih ka êl le, “LALPA Zahkâi, chu chu hawng ka titir lah! Thu har tak ka sim mi lakah mikip an chipchiar kumza,” ka ti.

MIKAH 2:4

Chu chu a hawng tlung tik chun mi nih a sia leikâng hen nan thâwng an sim lai le, nan thinlung lungdawngh kâi tak chu la hen an sak lai: Kanna râwk dep rawh! Kan ram chu LALPA nih a lâk le, Sal ah hawng kan puttu tla sinah a pêk ving rawh, ti mi hi an sak lai,” a ti.

HABAKUK 2:6

Neh hen an um mi tla nih anmah nehtu tla chu an zauhnawmh na lai le, an siar na lonâk an langh lai, “Na tâ silo mi chu na lâk le, sikhawmsele na vânduai rawh! Na sinah leibattu tla zângran ko a sam tir hen zei chan me neih leh siah hen na um awt?” an ti na lai.

MATHAI 13:4

Chun, a vawrh liauah a zeimaw mi lam vâu ah a tlâ le, va tla nih an tlanh hep.

MATHAI 13:53

Chun, hi hâwi hi asi le, Jisu nih chubang tahṭhimh thu tla chu a sim thluh kâ hen chu thawk hen chun a kal rawh.

MATHAI 22:1

Chun, Jisu nih anmah a sawnh na le, an sinah tahṭhimh thu hen a simh nawlh na le,

MATHAI 24:32

“Chun, theipi kûng ah hin tahṭhimh thu a sîn u; a ṭeng a hawng no le, a nah a hawng chawrh chun ṭhâlpini a hawng suak awt ti nan theih tâwn.

MARK 12:1

Chun, tahṭhimh thu hen Jisu nih an sinah a sim rawh: “Âunih mawh grep dûm a siam le, dâi hen a kulh le, grep sûrnâk khur a chawh le, in sâng a sak le, a bultu tla sinah thlawh lawh ding hen a pêk le, ram dang ah a kal rawh.

MARK 12:12

Chun, amah chu tleih an tum le, sikhawmsele, mi zapi chu an ṭih le; chu tahṭhimh thu chu anmah tla tisan hen a sim ti an theih dangâiah. Chun, amah chu an kaltâk le, an kal rawh.

MARK 3:23

Chun, Jisu nih Dân sîntirtu tla chu a kawh na le, tahṭhimh thu hen an sinah, “Setan nih Setan ber zeitin a nar kho lai?

MARK 4:13

Chun, Jisu nih an sinah, “Hi tahṭhimh thu hi nan theih kho lo ma? Chu hâwi asi chun, zeitin tahṭhimh thu dang zawzawng tla chu nan theih zia lai?

MARK 4:33

Chun, chu hâwi tahṭhimh thu tam tak hen, an theih kho rirî hen thu chu an sinah a sim tâwn.

LUK 12:41

Chun, Peter nih, “Lalpa, hi tahṭhimh thu hi kanmah cho ma na kan simh, mi zawzawng ma?” a ti.

LUK 8:10

Chun, anih nih chun, “Pathian Ram thu thup tla chu nannih theih lam chu siang asi le, midang sinah lam chun tahṭhimh thu cho hen sim asi; ‘muh khawmsele, muhlo an si khonâk ding hen, nâ hen theih khawmsele, a ngaihtawnh dân an theih lonâk ding hen.’ ”

JOHAN 16:25

“Chubang thu chu tahṭhimh thu hen nan sinah ka sim; a tik a tlung awt, chu tik chun nan sinah tahṭhimh thu hen thu ka sim lai lo rawh le, fiang tak hen Pa thâwngthâng chu ka nan simh dauh na lai.