MATHAI 13:23 - Bawm Common Language Bible Version

²³ Chun, tual ṭha tlûnah vawrh mi chu, thu chu nâ nih theih hen, a ngaihtawnh dân khawm theih hi asi le, chu minung chu a rah taktê le, zeimaw mi a leh zâ hen, zeimaw mi a leh sâwmruk hen, zeimaw mi a leh sâwmthum hen a pung tâwn,” a ti.

MATHAI 13:23 ပူးပေါင်းရင်းမြစ်များ

EZEKIEL 18:31

Thilsual nan ti mi zawzawng lêt hep ule, dawnnâk leh thinlung thar a neih u. Israe1 mi tla, zei rangah thi ding nan duh êu?

EZEKIEL 36:26

Thinlung thar leh dawnruatnâk thar ka nan pêk na lai. Lung hâwi mi nan thinlung ê-aw ngâilonâk chu ka lâk ving lai le, ê-aw ngâinâk thinlung ka nan pêk na lai.

MATHAI 12:33

“Thing chu a ṭha, a rah khawm a ṭha nan ti lo dâidua chun, thing chu a sia, a rah khawm a sia ti dâidua u; thing chu a rah lakah â theih ruangah.

MATHAI 13:8

Chun, a zeimaw mi tual ṭha lakah a tlâ le, a zeimaw mi a leh zâ hen, zeimaw mi a leh sâwmruk hen, a zeimaw mi a leh sâwmthum hen lebang a rah rawh.

MATHAI 3:10

Tu thawk hen reitlung thing phûr kip ah an siah rawh; chuvachun, thing kip rah ṭha hen rah lo mi vial an hâu le, mei ah an paih tâwn.

MATHAI 3:8

Nan rim rawh ti zauhtir ding hen thilti hen langhtir u.

MARK 10:15

Thungâi tak hen ka nan simh na, âuzawng Pathian Ram chu ngâksiatê nih a lawmh mi hâwi hen lawmh lotu zawng chu a sungah an lût rîlmâl lai loh,” a ti.

MARK 4:20

Chun, tual ṭha lakah vawrh mi chu hi bang hi an si: Thu chu theih hen, tleih hen, a leh sâwmthum, sâwmruk, zâ lebang hen rah tla hi an si,” a ti.

LUK 13:9

chu tikah a rah chun a ṭha lai, a rah lo lam chun hâu ko,’ ” a ti.

LUK 8:15

Tual ṭha lakah chî a tlâ mi lam chu hi bang tla hi an si; thinlung rep leh ṭha hen thu an theih le, an chîng thlir le, felfê tak hen an rah tâwn.”

LUK 8:8

Chun, a zeimaw mi tual ṭha lakah a tlâ le, a hawng keuh le, a let zâ hen a rah rawh,” a ti. Chun, chubang thu a sim liauah a âu le, “Âuzawng theihnâk ding hen nâ nei nih chun theih seh,” a ti.

JOHAN 15:16

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

JOHAN 8:47

Pathian sinah thawk hen suak nih chun Pathian thu a ngâi tâwn; hi ruang hin nan ngâilo asi, Pathian sin thawk hen suak nan silo ruangah,” a ti.

THILTI 16:14

Chun, a min Lidia puan senduk zuartu Thiatira khua mi, Pathian sawnhtu nunau pakhat nih kan thu a theih le, chun Pawl thusim zûl ding hen Lalpa nih chun a thinlung a fiangtir rawh.

THILTI 17:11

Chunah mi tla chu Thesalonika khua tla ngâk chun an ṭha dauh le, chun thinlung lâwm tak hen thu chu an pawm le, an thu chu a dik leh diklo theih ding hen nisiar hen Pathian lasui thu ah an hâwl tâwn.

2 KORIN 9:10

Chun, thil siangnâk zeizawng, kanmah ruangah Pathian sinah lâwmthu simnâk siamtu chu nei ding hen, zeizawng ah neihtir a um hen,

PHILIPI 4:17

Thilpêk lam chu hâwl kasi lo le, rah, nanmah leikângah pungtir ding chu hâwl kasi dauh.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

KOLOSA 1:6

Chu Thâwngthâng Ṭha chu laikulh zawzawngah rah hen a pung vima hâwi hen nan sinah a tleng kha. Chu hâwi ber hen, Epaphra kan to-aw hâwi duhtak lakah nan châwng hâwi hen, thungâi tak hen Pathian zângfahnâk chu nan ngâi hen nan theih ni thawk khan, nanmah lak khawm ah rah hen a pung vima tâwn asi.

1 THESALONIKA 4:1

Chun, unau le tla, a dawnghchem ah chun, nan umdân ding leh Pathian nan lawmhtir ding dân, tuah nan umdân hâwi hi kan sinah mi nanna ting hâwi khan nan châwng khunnâk ding hen Lalpa Jisu ah kan ngiar na hen kan fawrh na asi.

2 THESALONIKA 2:10

âwkrâwl thilchê zawzawng tla hen, a vei liau mi tla rangah replonâk perpetnâk zawzawng hen asi lai: ruangsuah hen an um khonâk ding hen thudik zângfahnâk chu an zûl lo ruangah asi.

HEBRAI 4:2

Thâwngthâng Ṭha an sinah sim asi hâwi hen kan sin khawm ah sim asi. Sikhawmsele, an thu theih nih chun anmah tla a ṭhatvaktir lêm lo, an thu theih chu an lung tak lo ruangah.

HEBRAI 6:7

Tual nih a tlûnah ruahtî a tlâ tâwn mi chu a dâwp tikah ṭuantu tla rangah thlâi herh tak a suah piak tâwn, chu chu Pathian nih mal a sâwm mi asi.

HEBRAI 8:10

“Chubang tla nûnah chun Israel dâwngsung tla sinah thudântuk ka siam ding mi chu hi bang hi asi,” Lalpa nih a ti. “Hi nûn chun an thinlung ah ka thupêk tla ka siah lai le, an thinlung ah ka rîn ber lai le, chun, kei an Pathian kasi lai le, annih chu ka mi tla an si lai.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.