MATHAI 13:22 - Bawm Common Language Bible Version

²² Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 13:22 ပူးပေါင်းရင်းမြစ်များ

SAM 52:7

“Zauhnik, Pathian lakah him ding hen ngauh lo hen a neih le siah leh thilsual lakah him ding a tum mipa hi,” an ti lai.

SAM 62:10

Tha-le-zâng ko zumh lah; rawk hen lâwk a tum lah, neih leh siah khawmsele, chu lakah a ngauh lah.

THUFING LASUIBU 11:28

A neihnâk ngauhsantu chu busik pâr ah nah a tlawng mi hâwi hen a um lai le, sikhawmsele mirep lam chu ṭhâlpini thing nah a chawrh mi hâwi asi lai.

THUFING LASUIBU 23:5

Na tangka chu mîmthlalek hâwi hen a vei sawm lai le, mupi thla a nei mi hâwi hen a zuang ving lai.

THUSIMTU 4:8

Mi pakhat amah lâwng hen hinah hin a um. Fapa khawm a nei lo, unau khawm a nei lo, sikhawmsele rianṭuan kumza hen a um le, a neih khawm nih a lawmhtir lêm lo. Chu hâwi hen mah nuamnâk ah mang lo hen hamh tak a rianṭuantu chu âu rangah a ṭuan mi asi lai rawh ne? Chu khawm chu zeikhawm asi lo mi asi fâwn, chu chu hamhkâi tak hen umnâk asi.

JEREMIA 4:3

LALPA nih Juda mi tla leh Jerusalem mi sinah, “Nan phâisen nâwn lo mi chu nâwn ule; bualingnei nâwngah nan thlâi chî tla tuh lah u.

MATHAI 12:32

Chun, âuzawng Minung Fapa simsâwitu zawng chu an simsiatnâk chu ngaihdam piak asi lai; âuzawng Thlarau Thenhlimh ngâi simsâwitu zawng lam chu an simsâwinâk chu tu dam sung khawm ah, tik hawng tlung ding mi khawm ah chun ngaihdam piak asi lai lo.

MATHAI 13:39

Mêlma, a vawrhtu chu Diabol asi; fâng ât chu laikulh dawnghnâk ding asi; fâng âttu tla chu vânmifial tla an si.

MATHAI 13:40

Chuvachun, fâng telê tla chu an pumh hen mei ah an duah hâwi hen laikulh dawnghnâk ah chun a um lai.

MATHAI 13:7

Chun, a zeimaw mi bua lingnei nâwngah a tlâ le, bua chu a hawng sâng vima le, a dawrh kêk.

LUK 12:15

Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.

LUK 12:21

“Mah rangah neih khawng hen, Pathian leiah khawng lo mi chu, chu hâwi chu asi tâwn,” a ti.

LUK 21:34

“Sikhawmsele, a thiamthih u, chu lo chun ei khawp tuktarâi hen, zû rî hen, dam sung khawsat dawn hen nan thinlung a khat sual lai. Chu ni ah chun thang awh hâwi hen lâkkhatko ah nan tlûnah a hawng tlung khup lai.

LUK 8:14

Chun, bualingnei lakah chî a tlâ mi tla chu hi bang minung tla hi an si; an theih nûnah an kal le, taksa lei lungkhamnâk tla, neihsiahnâk tla, damsung nuamchênnâk tla nih chun a dawrh le, an rah a min dahlo.

THILTI 8:18

Chun, mifial tla kut thâng ruangah Thlarau Thenhlimh pêk asi ti Simon nih a muh hen,

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

1 KORIN 1:20

Mi fing chu kha zeiah me? Mi thiam chu kha zeiah me? Hi laikulh ah êltu chu kha zeiah me? Pathian nih laikulh finghnâk hi âtkâi asi ti a theihtir lo masi?

1 KORIN 2:6

Sikhawmsele, upa tla lakah chun thufing khawm kan sim tâwn, sikhawmsele, hi laikulh thufing hi asi lo le, hi laikulh lâirêltu tlâu ding mi thiltikhonâk khawm asi lo.

1 KORIN 2:8

Chu finghnâk chu hi laikulh lâirêltu tla rerêng nih an theih lo; theih sele chu rokualnâk Lalpa chu an khenhbêk lai loh.

1 KORIN 3:18

Âukhawm mah a â tir lah seh. Nan lakah âuzawng hi laikulh ah hin fing hen â ruat chun a fing khonâk ding hen mi â ah a chang seh.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

2 TIMOTHE 4:10

Dema nih chun tuliau laikulh hi a sunhsak ruangah hawng ka kaltâk le, Thesalonika khua ah a kal rawh. Kresken chu Galatia ram ah a kal rawh le, Tita chu Dalmatia ah a kal bâk.