MATHAI 13:19 - Bawm Common Language Bible Version

¹⁹ Âuzawng nih Ram thu chu nâ nih a theih hen, a ngaihtawnh dân a theih lêm lo chun Setan chu a hawng kal le, a thinlung ah vawrh chia chu a suh ving tâwn. Chu minung chu lam vâu ah vawrh mi chu asi.

MATHAI 13:19 ပူးပေါင်းရင်းမြစ်များ

THUFING LASUIBU 1:7

Theihnak nei ding hen LALPA chu na zah masa chem ding asi. Simh ngâilo mi tla nih finghnâk khawm an siarlo le, sîn ding khawm an duh lo.

THUFING LASUIBU 17:16

Mi mâwl rangah lasui sînnâk rangah tangka hêu chu zeikhawm ṭhatnâk a um lo. Midang hâwi hen theihthiamnâk a nei lo ruangah.

EZEKIEL 31:18

“Thing chu Aigupta lal leh a minung tla an si. Eden a mi thing tla tluk hen sâng lo khawmsele, thinlung a purh. Sikhawmsele tuah Eden a mi thing tla hâwi hen laikulh thihnâk ah lunglo mi leh râltuknâk ah thi mi tla sinah an kal lai. Ka ti asi,” LALPA Zahkâi nih a ti.

MATHAI 12:26

Chun, Setan nih Setan ber a nar chun mah a do mi asi lai lo ma, a ram chu zeitin me a dîr kho lai!

MATHAI 13:20

Chun, lungpher mun ah vawrh mi chu, thu chu theih hen lâwm tak hen tleih tâwntu hi asi:

MATHAI 13:38

“Chî ṭha vawrhtu chu Minung Fapa hi asi; lo chu laikulh hi asi le, chî ṭha chu Pathian Ram fa tla an si le, fâng telê chu Setan fa tla an si.

MATHAI 4:23

Chun, Jisu nih anna pûmnâk in tla ah sîntir na hen Ram Thâwngthâng Ṭha chu sim hen, mi le tla lakah nganfâk kip leh chaklonâk kip damh hen Galili ram zawzawng a ṭawl.

MATHAI 5:37

Nan thusim chu asi mi chu si seh,’ ‘Silo mi chu silo ko seh,’ chu ngâk hen a lei mi chu Setan lakah suak asi.

MARK 4:15

Chun, lam vâu ah a thu vawrhnâk tla chu hi tla hi an si: Thu an theih kâ hen Setan nih chun an thinlung ah thu vawrh mi chu a lâk piak sawm tâwn.

LUK 10:9

damlo a um chun damh ule, an sinah, ‘Pathian Ram nan kiangah a tlung rawh,’ ti u.

LUK 9:2

Chun, Pathian Ram thu sim ding leh damlo tla damh ding hen a fial na rawh.

JOHAN 18:38

Pilat nih a sinah, “Thutak zei me si?” a ti. Chun, chu thu chu a sim kâ hen, a suak nawlh le, Juda tla sinah a va suak nawlh le, an sinah, “Zeikhawm a sualnâk ka muh lo.

JOHAN 8:43

Zei rangah ka hawlh umzia nan theihthiam lo? Ka thusim nan ngâi set lo ruangah asi.

THILTI 17:32

Chun, mithi lakah thawknawlhnâk thu chu an theih kâ hen, a zeimaw mi an nihsanh, a zeimaw mi nih, “Hi thu hi na sinah kan hawng ngâi nawlh lai,” an ti.

THILTI 18:15

sikhawmsele, thu tla, min tla nan dân thu ko asi chun nanmah nih ruat ko u, kei lam chu chu hâwi thu chu lâirêl ka duh lo,” a ti.

THILTI 20:25

Chun, theih u, nannih zawzawng, Pathian Ram thu phuang vima hen ka sawk lemang tâwnnâk tla nih hin ka mêl nan muh lai lo rawh ti ka theih.

THILTI 28:23

Chun, ni an tiamh le, chu ni chun a tlungnâk in ah mi tam tak an hawng kal le, zîngtê thawk hen zânlei tiang an sinah chu thu chu a simhfiang le, Pathian Ram thu a theihtir na le, Mosi Dân lasuibu thu leh khuavâng tla lasuibu thu hen Jisu leiah anmah tla a lêm tlawtlawt na.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

ROM 2:8

Midang tla chu mah kawngkâ lâwng ruat mi an si le, a dik mi chu an duh lo, a diklo mi chu an zûl dauh tâwn; an tlûnah chun Pathian thinthawknâk leh thinrunhnâk tla a um lai.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

2 THESALONIKA 2:12

thudik lunglo hen replonâk ah lâwm mi tla nih chun mawhphurhnâk anna ting khonâk ding hen.

HEBRAI 2:1

Churuangah, nâ hen kan theih mi tla kha semsêngâi tak hen kan sunhsak khun ding asi, chu lo chun kan vei sual lebang lai.

1 JOHAN 3:12

Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.

1 JOHAN 5:18

Âuzawng Pathian fa nih chun thilsual a ti lo ti kan theih, Pathian Fapa nih chun a vêng kumza le, Misual nih a râwk kho lo asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.