MATHAI 13:15 - Bawm Common Language Bible Version

¹⁵ Hi phun tla thinlung hi a mawlâwt rawh le, an nâ tla a ngawng ver le, an mit an sîm ver, Chu lo chun kan mit hen kan muh lai le, kan nâ nih a theih lai le, kan thinlung hen kan theih ber lai le, kanna lêt nawlh lai le, anih nih hawng kan damh sual lebang lai,’ an ti, a ti mi kha.

MATHAI 13:15 ပူးပေါင်းရင်းမြစ်များ

SAM 119:70

Hi minung tla nih hin theihthiamnâk an nei lo, kei lam nih chun na dân thu ah lâwmnâk ka tawng.

THUFING LASUIBU 16:30

Nangmah rangah lipha hen zei siarlo tak hen an zauhtu chu zauh set. Thil diklo zeimawh an dawn mi asi.

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

ISAI 57:18

“An thilti tla ka muh le, sikhawmsele ka damh na lai. Ka rui hen ka ṭangpi na lai le, thinlung ngaihsia tla chu thla ka ngamh na lai.

ISAI 6:10

Churawhchun, ka sinah, “Hi minung tla thinlung hi mawlâwttir, an nâ sêttir, an mit tla châwtir, an muh kho lo hen an theih kho lo hen, an theihthiam lonâk ding hen. Chu hâwi asi lo chun, keimah leiah an hawng a her lai le, damh an si lebang lai,” a ti.

JEREMIA 17:14

LALPA, hawng ka damh le, tliang ver hen ka dam lai; hawng ka hum le, him tak hen ka um lai. Ka nan sawr mi chu nang na si!

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 3:22

Kâng dang leiah LALPA hertâktu zawzawng, hawng kîr u; a nan damh na lai le, zumhkâi hen a nan siam na lai. Nannih nih, “Asi, kan Pathian asi ruangah LALPA sinah kan hawng.

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

HOSEA 14:4

LALPA nih, “Ka sinah ka mi tla chu ka kawh nawlh lai. Ka thinlung zawzawng hen ka dâwt na lai le, an lakah ka thin a run lai lo rawh.

ZEKARIA 7:11

“Sikhawmsele ka mi tla nih lungkhung tak hen an êl le, an ngâi duh lo.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MARK 4:12

Chuvachun, ‘Muh lam chu an muh kho narêng hen, theih lam chu an theih kho lonâk ding hen leh, Nâ hen an theih narêng hen a ngaihtawnhnâk lam chu an theih kho lonâk ding hen. Chu lo chun anna her nawlh lai le, ngaihdam an hawng si sual lebang lai,” a ti.

LUK 19:42

“Aw, nang rîlmâl nih hin tu dam liau lungngamnâk ding thu hi hawng theih râm nik le! Sikhawmsele na muh lonâk ding hen â thup dangâiah.

THILTI 28:27

Hi phun thinlung hi a mawlâwt le, an nâ tla a ngawng dauh le, an mit khawm an sîm le, chu lo chun an mit hen an muh lai le, an nâ hen an theih lai le, an thinlung hen an theihthiam lai le, anna her nawlh lai le, chun kei nih ka damh na lebang lai,’ a ti ruangah.

THILTI 3:19

Churuangah nan sual tla tlâutir asi khonâk ding hen rim ule, a her nawlh u.

THILTI 7:57

Chun, annih chu hâu fâk tak hen an âu le, an nâ an huh le, a rual hen an nam le,

2 TIMOTHE 4:4

an nâ tla thudik leiah an sêttir lai le, thuanthu lei fûk hen an pial rawh lai.

HEBRAI 5:11

Chu thâwngthâng lakah chun thu tam tak sim ding kan nei, nan theih lo tuktarâi ruangah nan sinah simhfiang a har asi.

THUPHUANG 22:2

Chun, nungnâk thing, tiva kap khatlei vevê ah zât leinih hen thla kip a rah mi a um le, chu thingnah tla chu phun kip damhnâk ding asi.