MATHAI 12:42 - Bawm Common Language Bible Version

⁴² Simlei lalnu kha lâirêl ni ah chun tu san mi tla sinah hin a thawk bâk lai le, an mawhtir na lai; Solomon finghnâk ngâi ding hen men kâwlkil thawk hen a hawng kal ruangah. Ngâinik u, Solomon ngâk hen rokual dauh hinah hin a um.

MATHAI 12:42 ပူးပေါင်းရင်းမြစ်များ

1 Lal 10:24

Pathian nih a pêk mi finghnâk ngâi ding hen laikulh minung zawzawng nih hawng ding an duh.

1 Lal 3:12

na deih mi chu ka nan pêk lai. Mi âukhawm nih an nei dahlo mi finghnâk leh theihthiamnâk tam tak ka nan pêk lai.

1 Lal 3:28

Churawhchun, Israel mi tla nih Solomon nih thu a thlûk zia an theih le, thungâi an zah, êlnâk ding mi thu lakah ṭha tak hen thlûk ding hen finghnâk Pathian nih a pêk ti an theih ruangah.

1 Lal 3:9

Churuangah chun na mi tla chu dik tak hen lâi ka rêl kho ding hen leh a sia a ṭha lakah a dangnâk ka theih khonâk ding hen finghnâk ka herh mi hawng ka pêk rawh. Chu lo chun zeitin hi na mipi tla zeiliau zawng ah lâi ka rêl lai,” a ti.

1 Lal 4:29

Pathian nih Solomon rangah finghnâk leh theihthiamnâk tla theih phanh lo rê a pêk.

1 Lal 4:34

Laikulh zawzawngah lal tla nih a finghnâk va ngâi ding hen mi an fial tâwn.

1 Lal 5:12

LALPA nih a thutiam ziatê hen Solomon chu finghnâk a pêk. Solomon leh Hiram karah remnâk a um le, churawhchun khatlei khatlei kamnâk an siam.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

MATHAI 12:41

Ninevi khua mi tla chu lâirêl ni ah chun tu san mi le tla sinah hin an dîr lai le, an mawhtir na lai, Jona thusim lakah an rim ruangah; ngâinik u, Jona ngâk hen rokual dauh hinah hin a um asi.

MATHAI 12:6

Zeikhawm si sele, Pathian Biakin ngâk hen rokual dauh hinah a um ti ka nan simh na.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

DEUTERONOMY 30:13

Tisumsumriat varâl lei ving ah mi khawm asi lêm lo. Kan theih khonâk ding leh kan zûl ding hen, ‘Âunih tisumsumriat tan hen hawng kan lâk piak kho lai?’ tiding mi khawm asi lêm lo.