MATHAI 12:35 - Bawm Common Language Bible Version

³⁵ Mi ṭha nih a robâwm ṭha lakah mi thil ṭha tla a suah tâwn le, misual nih chun a robâwm sia lakah mi thil sia tla a suah tâwn.

MATHAI 12:35 ပူးပေါင်းရင်းမြစ်များ

JOB LASUIBU 8:10

Sikhawmsele, a lânah mifing tla sîntirnâk dawn nik. An sim mi thu tla nik:

THUFING LASUIBU 12:6

Misual thusim chu mi thah ding lâwng an sim le, mirep nih chun nehsawh hen a um mi tla ruangsuah ding hen thu an sim.

THUFING LASUIBU 15:23

A tik takah thudik tawng chu thungâi lawmh a kâi.

THUFING LASUIBU 15:28

Mi ṭha nih thu a sâng lânah a dawn tâ tâwn. Misual nih mawhsareh hen a sâng sawm le, sikhawmsele lawksawngnâk asi.

THUFING LASUIBU 15:4

Thu vêlnei nih nungnâk a pêk le, sikhawmsele thu ṭhalo nih thinlung a râwk.

MATHAI 12:34

Rûl thlâk tla, nannih sual ko bû hen zeitin me thu ṭha nan sim kho lai? Thinlung ah khat hen a liam mi chu kâ nih a sim tâwn asi.

MATHAI 13:52

Chun, anih nih chun an sinah, “Chu hâwi asi chun, Dân sîntirtu Vân Ram lampi sîntir hen um mi vial chu in dâwngpu a robâwm lakah mi thil thar tla leh thil li tla thuak tâwntu hâwi chu asi,” a ti.

MATHAI 7:17

Thing ṭha zawng a rah a ṭha tâwn le, thing sia lam chu a rah a ṭhalo.

LUK 6:45

Mi ṭha nih chun a thinlung robâwm ṭha lakah mi thil ṭha tla a suah tâwn le; misual nih chun a thinlung robâwm sia lakah mi thil sia tla a suah tâwn; a thinlung ah khat mi chu a kâ nih a sim tâwn ruangah.”

EPHESI 4:29

Thu ṭhalo rerêng nan kâ ah suak lah seh, a herh zia hâwi vima a siamṭha ding hen thu ṭha vial suak dauh seh, a ngâitu tla rangah zângfahnâk asi khonâk ding hen.

KOLOSA 3:16

Krist thu chu finghnâk kip hen nanmah lakah um chiau seh; sawrnâk la tla, Pathian la tla, Thlarau lei la tla a sîntir hen nun a simhtawnh ule, thinlung zângfahnâk nei hen Pathian chu la sak piak u.

KOLOSA 4:6

Mikip zei hâwi sâng chiau ding me asi ti nan theih khonâk ding hen nan kâ suak chu ngâi tlâk, zângfahnâk tel si kumza seh.