MATHAI 12:32 - Bawm Common Language Bible Version

³² Chun, âuzawng Minung Fapa simsâwitu zawng chu an simsiatnâk chu ngaihdam piak asi lai; âuzawng Thlarau Thenhlimh ngâi simsâwitu zawng lam chu an simsâwinâk chu tu dam sung khawm ah, tik hawng tlung ding mi khawm ah chun ngaihdam piak asi lai lo.

MATHAI 12:32 ပူးပေါင်းရင်းမြစ်များ

JOB LASUIBU 36:13

Pathian nei lo mi tla chu, an thinrun kumza le rêp hen an um khawm ah ṭangpi deih hen thla an cham dahlo.

MATHAI 11:19

Minung Fapa a hawng kal le, a ei hen a din, ‘Zauhnik u, buh ei chak, uain din chak, siah khawlhtu tla leh misual tla hâwipa khi,’ an ti fâwn. Sikhawmsele, a thilti rah tla nih a dik asi ti a zauhtir,” a ti.

MATHAI 12:31

Churuangah, ka nan ti na, mi an sualnâk kip ah leh an simsiatnâk kip ah chun ngaihdam an si lai: Thlarau Thenhlimh ngâi simsiat lam chu ngaihdam piak asi lai lo.

MATHAI 12:8

Minung Fapa hi Dinhni Lal asi ruangah,” a ti.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 13:39

Mêlma, a vawrhtu chu Diabol asi; fâng ât chu laikulh dawnghnâk ding asi; fâng âttu tla chu vânmifial tla an si.

MATHAI 13:40

Chuvachun, fâng telê tla chu an pumh hen mei ah an duah hâwi hen laikulh dawnghnâk ah chun a um lai.

MATHAI 13:55

Hi minung hi thing hen thil siamtu fapa kha asi lo mazei? A nu chu Mari an ti mi asi lo mazei? A unau tla khawm Jem, Josef, Simon leh Juda an ti mi tla chu an si lo mazei?

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

MARK 10:30

tu dam sung lîlâ hin in tla, unaupa tla, farnu tla, nu tla, fa tla, ram tla a let zâ hen, nehsawhnâk tla hen, tawng lo ding âukhawm an um lo; tik hawng tlung ding mi ah zungzâl nungnâk hen.

MARK 3:28

“Hi hi theih u! Minung fa tla hi an sualnâk zawzawng ah leh Pathian an simsiatnâk zei lei zawng ah khawm an simsiatnâk tla chu ngaihdam an si lai.

MARK 3:29

Sikhawmsele, âuzawng Thlarau Thenhlimh ngâi simsiattu lam chu zeitik khawm ah ngaihdamnâk a tawng lai lo, zungzâl sualnâk ah chun mawh hen a um lehlam lai,” a ti.

LUK 12:10

“Chun, Minung Fapa simsâwitu zawng chu ngaihdam piak asi lai; Thlarau Thenhlimh simsâwi lam chu ngaihdam piak asi lai lo.

LUK 16:8

“Chun, a pu nih chun sum kiltu replo chu ti dân a thiam ruangah a sawr rawh le, chêu fa tla ngâk hen hi laikulh fa tla hi anmah san chun an fing dauh asi.

LUK 18:30

tu dam kar lîlâ ah hin chu ngâk a tam dauh tawng lo ding âukhawm an um lo, tik hawng tlung ding mi lakah zungzâl nungnâk hen,” a ti.

LUK 23:34

Chun, Jisu nih, “Pa, annih hi ngaihdam na rawh; an thilti hi an theih lo asi,” a ti. Chun, chamchawh hen a nipuan tla chu anna ṭhen rawh.

LUK 7:34

Minung Fapa a hawng kal le, a ei hen a din le, nannih nih, ‘Zauhnik u, ei chak mi, uain din chak mi, siah khawlhtu tla leh misual tla hâwi khi, nan ti fâwn.

JOHAN 7:12

Chun, a thu mi zapi lakah mi nih anna chaih chur; a zeimaw mi nih, “Mi ṭha asi,” an ti; midang nih, “Silo, mi zapi a perpet dauh asi,” an ti.

JOHAN 7:39

Chu thu chu a zumhtu tla nih Thlarau an nei ding thu a sim asi; Thlarau chu pêk asi lo rih, Jisu chu chawnglawmh hen a um lo rih ruangah.

JOHAN 7:52

Annih nih chun a sinah, “Nang khawm Galili mi na maw na si bâk? Hâwl le, Galili ram ah chun khuavâng âukhawm suak ding an um lo ti theih ko me,” an ti le, an sâng.

THILTI 3:19

Churuangah nan sual tla tlâutir asi khonâk ding hen rim ule, a her nawlh u.

1 TIMOTHE 1:13

A lânah simsâwitu leh nehsawhtu leh zirhtu sikhawmsele lunglo hen theihlo mi kasi ruangah khuaruatnâk ka tawng asi.

1 TIMOTHE 1:15

Krist Jisu misual tla ruangsuah ding hen laikulh ah hin a hawng kal ti hi zumh a kâi hen thungâi pawm a tlâk asi, an lakah misual chem kasi hi.

1 TIMOTHE 4:8

taksa zawnghnâk hi ṭha chu a ṭha bâk le, Pathian sunhsaknâk nih chun tuah mi nungnâk leh nungnâk hawng um ding mi pêk ding hen tiamnâk a nei ruangah zeizawng ah a ṭha asi.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

2 TIMOTHE 4:10

Dema nih chun tuliau laikulh hi a sunhsak ruangah hawng ka kaltâk le, Thesalonika khua ah a kal rawh. Kresken chu Galatia ram ah a kal rawh le, Tita chu Dalmatia ah a kal bâk.

TITA 2:12

Lungumnâk lawmhkâi kan Pathian rokual tak Ruangsuahtu Jisu Krist rokualnâk langhnâk chu ngâk hen, Pathian sunhsak lonâk leh laikulh duhnâk tla bângtâk hen, tuliau laikulh ah a sûm hen leh rep tak hen leh Pathian sunhsak hen kan um ding asi ti hawng kan sîntir.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.