MATHAI 12:31 - Bawm Common Language Bible Version

³¹ Churuangah, ka nan ti na, mi an sualnâk kip ah leh an simsiatnâk kip ah chun ngaihdam an si lai: Thlarau Thenhlimh ngâi simsiat lam chu ngaihdam piak asi lai lo.

MATHAI 12:31 ပူးပေါင်းရင်းမြစ်များ

ISAI 1:18

LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

LEVITICUS 24:16

thah an si lai ti hen simh na. Israel mi mawh ramdang mi an sinah um mi minung âutal nih LALPA rangah siat a barh chun zapi minung nih lung hen thi thlo an seh ding asi.

LUK 12:10

“Chun, Minung Fapa simsâwitu zawng chu ngaihdam piak asi lai; Thlarau Thenhlimh simsâwi lam chu ngaihdam piak asi lai lo.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

HEBRAI 10:26

Thudik theihnâk rangtling chu kanna ting nûnah thilsual kan ti êu chun sual tla rangah bâwlnâk a um rîlmâl lai lo rawh.

HEBRAI 10:29

Pathian Fapa zei siarlo hen, thudântuk thisen amah thenhlimhtirnâk chu thil salam a ruat hen zângfahnâk thlarau vûirâmtirtu tla chu zei hâwi tluk rêpnâk fâk dauh tuar tlâk siding hen me nan ruat?

HEBRAI 6:4

Chun, âuzawng a tlû rawh mi tla chu rim nawlh ding hen zeitin kîrtir nawlh kho an si lai? Veikhat chu thinlung fiangtir hen an um rawh. Chun, van thilpêk tem rawh hen Thlarau Thenhlimh vauh mi anna ting.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.

1 JOHAN 5:16

Âuzawng a unaupa nih thihnâk khawp rê hen a tling lo mi sual ti hen muh sele, nungnâk pêk awttu Pathian chu a deih lai le, a deihnâk chu a siang piak lai. Sikhawmsele, thihnâk khawp rê sual a um le, chu hâwi mi rang chun deih piak ding ka ti mi si lo.