MATHAI 12:29 - Bawm Common Language Bible Version

²⁹ “Chu hâwi asi lo chun mi nih mi chak chu a phuar tâ masa lo chun zeitin mi chak in mi lût hen a sum a lâk piak kho lai? Chu nûn lam chun a in chu a phûl piak kho lai.

MATHAI 12:29 ပူးပေါင်းရင်းမြစ်များ

ISAI 49:24

Kawrsen nih râltuknâk ah thil an lâk mi chu na lâk kho ma? Rêngin ah nehsawh hen um mi tla ruang na suah kho na ma?

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

MATHAI 12:28

Sikhawmsele, kei Pathian Thlarau ruangah khuri tla nar tâwn kasi chun Pathian Ram nan sinah a tlung rawh asi lai.

MATHAI 12:30

“Âuzawng keimah leiah ṭang lo mi chu hawng ka do asi; âuzawng hawng ka khawmhpi lotu nih chun a thektham asi.

MARK 3:27

“Âukhawm nih mi chak in ah lût hen a sum chu a lâk piak kho tâwn lo, mi chak chu a phuar masa tâ lo chun. Chu nûnah lam chun a in chu a rawk kho lai.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.