MATHAI 12:25 - Bawm Common Language Bible Version

²⁵ Chun, Jisu nih an ruât mi tla chu a theih le, an sinah, “Zei ram khawm ah mah leh mah anna do mi zawng an vei tawn; zei khua khawm ah dawngkhat khawm mah leh mah anna do mi zawng an um khuasuak lai lo.

MATHAI 12:25 ပူးပေါင်းရင်းမြစ်များ

1 Lal 16:21

Israel tla lakah ṭhennâk a hawng um le, mi zeimaw mi nih Ginath fapa Tibni chu lal ah an duh, a dang nih Omri an duh.

SAM 139:2

Thil ka ti mi zawzawng na theih; ka dawnruatnâk zawzawng chu lât tak thawk hen na theih.

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!

MATHAI 9:4

Chun, Jisu nih an dawn mi tla chu a theih le, “Zei rangah me nan thinlung ah sual hen nan ruat?

MARK 2:8

Chun, Jisu nih an thinlung ah chu hâwi hen an ruat ti a thinlung hen a hawng theih sawm le, an sinah, “Chubang thu chu zei rangah me nan thinlung ah nan ruat?

JOHAN 21:17

Chun, a veithumnâk ah chun a sinah, “Simon, Johan fapa, nangnih kei na ka dâwt ma?” a ti. A veithumnâk ah, “Nangnih na ka dâwt ma?” a sinah a ti ruangah chun Peter a lawksawng le, a sinah, “Lalpa, zeizawng na theih le, ka nan dâwt ti na theih,” a ti. Jisu nih a sinah, “Ka dawrâ tla zauhkhenh rawh.

1 KORIN 2:11

Minung thil tla chu minung thinlung sungah um mi ber lo nih chun minung lakah âunih me theih lai? Chu hâwi ber hen, Pathian lei thil tla chu Pathian Thlarau ber lo nih chun âunih khawm an theih loh.

GALATIA 5:15

Sikhawmsele, nanna seh hen nanna ei tawnh chun nanna veih tawnh lonâk ding hen a thiamthih u.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.