MATHAI 11:6 - Bawm Common Language Bible Version

⁶ Âuzawng ka tlûnah zumhmaihnâk neilotu chu an thaw a suak,” ti hen a sâng.

MATHAI 11:6 ပူးပေါင်းရင်းမြစ်များ

SAM 119:1

An nungnâk sual tel lo mi chu an thaw a suak, LALPA dân hâwi hen um mi chu.

MATHAI 13:21

Sikhawmsele, amah lakah chun ram a um lo le, sâwtlotê cho a um le; chun thu ruangah chun hamhnâk mawh nehsawhnâk mawh a hawng um hen a zumhnâk a bâng sawm tâwn.

MATHAI 18:7

Mi zapi tla zumhnâk khamtirtu thil tla ruangah laikulh tlûn a pit! Tlûknâk chu um ding rêng asi. Sikhawmsele, tlûknâk umtirtu tlûn chu a pit!

MATHAI 24:10

Chu tikah chun mi tam tak an zumhnâk an bângtâk lai le, anna tleihtir tawnh lai, anna hua tawnh lai.

MATHAI 26:31

Chun, Jisu nih an sinah, “Tuzân hin nan ektê hen nan ka kaltâk ver lai; ‘Dawrâ vêngtu chu ka vuak lai le, dawrâ rual chu anna rek ver lai,’ ti rîn asi ruangah.

MATHAI 5:29

Chun, na mit vawrhlei nih a nan sualtir chun chawih zek le, lawnh ving! Na taksa a pum hen Gehena ah lawnh ngâk hen na taksa ṭeng pakhat vei chu na rangah a ṭha dauh asi.

MARK 6:3

Hi minung hi Mari fapa Jem, Josef, Juda, Simon leh a unaupa thing hen thil siamtu kha asi lo mazei? A farnu le khawm hinah kan sinah um an si lo mazei?” an ti le, thungâi chê an ti. Chun, a tlûnah an lungsilo rawh.

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

LUK 7:23

Chun, âuzawng ka tlûnah lungsilonâk muh lotu chu an thaw a suak,” a ti le, a sâng.

JOHAN 16:1

“Nan lungnâk nan thlâu lonâk ding hen nan sinah hi bang thu hi ka sim hi.

JOHAN 6:66

Chu nûnah chun amah zûltu tla lakah tam tak nih an kaltâk le; amah an kawmh nawlh lo rawh.

1 KORIN 2:14

Laikulh mi nih chun Thlarau lei thil tla chu a lawmh tâwn lo, anih ngaih chun âtkâi an si; Thlarau ah cho theih kho mi a si ruangah a theih kho lo rerêng asi.

GALATIA 5:11

Unau tla, kei nih hin fêmtan thu ka sim nget chun zei rangah nehsawh hen ka um nget rih? Chu hâwi asi chun kraws a suihnâk chu veih asi lai rawh.

1 PETER 2:8

Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.