MATHAI 11:5 - Bawm Common Language Bible Version

⁵ mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 11:5 ပူးပေါင်းရင်းမြစ်များ

2 Lal 5:14

Churawhchun, Jordan Va ah a va kal le, vei sarih a va a nîm le, Elisa nih a sim mi hâwitê hen a phâr chu a dam ziar. A vun tla chu a hawng a remh le, ngâksia vun hâwitê hen a no.

2 Lal 5:7

Israel lalchem nih chu lasuikuat chu a rêl rawh chun a lawksawng le, a nipuan tla a thlêk, “Zei zia Siria Lalchem nih hi minung hi damh kho ding hen hawng ka ruat zia? Nunh khotu leh thah khotu Pathian ma hawng ka ruat? kan kar lakah remlonâk a tum mi mahi!” a ti.

SAM 146:8

mitchâw rangah muhnâk a pêk. A tlû mi tla chu a thawh na le; a mirep tla chu a dâwt na.

SAM 22:26

Mipâm tla nih an duh tâwk an ei lai le; LALPA sinah hawngtu tla nih chun amah chu an sawr lai. An sul-le-lam tluang kumza seh!

EXODUS 4:11

LALPA nih a sinah, “Minung mûr le kâ pêktu âu? Âunih minung nâ a sêttir hen a hawlh kho lo tir? Âunih minung muhnâk a pêk hen a mit a châwtir? LALPA keimah kasi.

ISAI 29:18

Chu ni a hawng tlung tik chun, mi nasêt tla nih hâu fâk tak hen lasuibu an rêl mi chu an theih kho lai le, mitchâw mûi nâwngah a um mi tla nih an mitdei hen an muh lai.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ISAI 43:8

Pathian nih, “Lâirêlnâk in ah ka mi tla kawh na u. Mit chu an nei le, sikhawmsele an mit a chaw; nâ an nei le, khawmsele an nâ a sêt!

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

ZEKARIA 11:7

Dawrâ tla châwktu leh zuartu nih an hawng ka mang le, thahnâk ah put ding mi dawrâ rual vêngtu ah ka chang ving. Ṭhianṭhunh panih ka lâk le, pakhat chu “Sunhsak mi” a dang pakhat chu “Thurualnâk” ka ti. Churawhchun, ranrual chu ka zauhkhenh.

MATHAI 10:8

Damlo tla damh ule, mithi tla thawh ule, phâr tla thenhlimhtir ule, khuri tla nar u; a thawt hen nan tawng le, a thawt hen pêk u.

MATHAI 11:4

Chun, Jisu nih an sinah, “Kal nawlh ule, thil nan muh mi leh nan theih mi hi Johan sinah va simh u:

MATHAI 12:13

Chu kâ hen chu minung sinah, “Na bân phar,” a ti. Chun, a phar le, khatlei kâng hâwi hen a dam ver.

MATHAI 21:14

Chun, Pathian Biakin ah mitchâw tla leh kekhêng tla a sinah an hawng kal le; anmah a damh na.

MATHAI 5:3

“Thlarau leikâng ah thinlung hamh mi tla chu an thaw a suak; Vân Ram an tâ asi ruangah!

MATHAI 9:30

Chun, an mit chu a hawng dei rawh. Chun, Jisu nih an sinah, “Âukhawm theih lo ding hen a thiamthih u,” a ti thlir.

MARK 7:37

“Anih nih chun zeizawng ṭha tak hen a ti le, nasêt tla a theihtir le, hawlh kho lo tla khawm a hawlhtir tâwn,” an ti le, dîntuai hen chê an ti lo.

MARK 9:25

Chun, Jisu nih mi zapi an hawng tek le, anna pûm liau a muh rawh chun khuri nâwmtâm chu a fâi le, a sinah, “Nang, khuri hawlh kho lo leh nasêt, thu ka nan pêk, a sungah mi suak le, lût nawlh lah rawh,” a ti.

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

JOHAN 10:25

Jisu nih an sinah, “Ka nan simh na rawh kha, nan lung lo; ka Pa min hen thil ka ti mi hi, hi nih hin ka thâwngthâng a theihtir asi.

JOHAN 10:38

Sikhawmsele, ṭuan kasi chun, kei hawng ka lunglo khawm ule, rianṭuan tla hi lung u; Pa keimah lakah a um ti leh kei Pa lakah ka um ti nan theih hen leh nan theihthiam khonâk ding hen,” a ti le, a sâng.

JOHAN 2:23

Chun, Kalkanh Kût ah, Jerusalem ah a um liau chun a singsiahnâk ti tla an muh le, mi tam tak nih a min an zumh rawh.

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

JOHAN 5:36

Sikhawmsele, theihtirnâk ka nei mi hi Johan theihtirnâk ngâk khan a rokual dauh asi: Pa nih thilti dih ding hawng ka pêk mi, ka thilti tak nih hin Pa nih hawng ka fial ti ka thâwngthâng a theihtir asi.

JOHAN 9:7

chun a sinah, “Siloam zur ah va ṭâwl rawh,” a ti. (Siloam chu Fial tinâk asi.) Chun, a va kal le; a ṭâwl le, mit dei hen a hawng nawlh rawh.

THILTI 2:22

“Nannih Israel mi le tla, hi bang thu hi theih u rawh: Nazaret Jisu, Pathian nih amah mang hen nan lakah thil rokual tla, thilchê tla, leh singsiahnâk tla a ti mi nih khan a nan theihfiangtir na kha; nannih nih chubang chu nan theih asi.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.