MATHAI 11:28 - Bawm Common Language Bible Version

²⁸ “Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

MATHAI 11:28 ပူးပေါင်းရင်းမြစ်များ

JOB LASUIBU 14:1

Ṭangpi herh leh chak lo hen suak mi ver kan si. Kan damsung ni tla khawm ah nawknâk â bang ver.

JOB LASUIBU 5:7

Minung chu amah nawknâk a tuah le, vân leiah meichi a zuang mi hâwi hen.

SAM 116:7

LALPA chu ka lakah a ṭha ruangah, ka thinlung, amah chu zumh rawh.

SAM 32:4

LALPA, nangnih sûn leh zân hen na ka rêp ruangah, ṭhâl khuarum nî sa nih thil nâwng a chârtir hâwi hen ka chaknâk â zûk hep.

SAM 38:4

Sual tî lian lakah ka tlâ le; phurh ding hen an rit tuktarâi.

SAM 94:13

Misual tla chu an lawksawng ni thawk hen, khur chawh lakah na tângtir na tiang hen anih chu na dîntir.

THUSIMTU 1:14

Thil zeizawng hi laikulh ah ti hen a um mi tla ka muh le, zeikhawm asi lo ti ka nan simh. Thli ṭhâwl hâwi asi.

THUSIMTU 1:8

Thil zeizawng hi nengtawr a kâi le, a sim khawm nengtawr a kâi tuk. Kan mit khawm nih a muh mi khawm hi chim ti a nei lo le; kan nâ nih a theih mi khawm tâwk ti a nei lo.

THUSIMTU 4:8

Mi pakhat amah lâwng hen hinah hin a um. Fapa khawm a nei lo, unau khawm a nei lo, sikhawmsele rianṭuan kumza hen a um le, a neih khawm nih a lawmhtir lêm lo. Chu hâwi hen mah nuamnâk ah mang lo hen hamh tak a rianṭuantu chu âu rangah a ṭuan mi asi lai rawh ne? Chu khawm chu zeikhawm asi lo mi asi fâwn, chu chu hamhkâi tak hen umnâk asi.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 28:12

Nan ektê hen dînnâk leh thlangamnâk a nan pêk na le, sikhawmsele a thu nan ngâi duh lo.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

JEREMIA 31:25

A dî mi tla leh a sungvâng hen a uai mi tla chu buh hen ka khimtir hen ka panhlâutir na lai.

JEREMIA 35:16

Jonadab thlâk tla nih an thlâktu nih thu a pêk na mi chu an ngâi le, sikhawmsele nannih lam nih chun ka thu nan zûl lo.

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

MATHAI 23:4

Ritphurh hamhkâi tak an siam le, mi tak tlûnah an thâng tâwn le, anmah lam nih chun an kut dawng khawm hen an ṭhial duh lo.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 7:37

Chun, Kût ṭiak awt ni, ni rokual takah chun, Jisu a dîr le, a âu le, “Âuzawng a tîhâl mi chu ka sinah hawng kal sele din seh.

THILTI 15:10

Chun, kan thlâktu tla leh kannih neh kho lo mi liangbat kha tuah ṭhiruai tla lakah ngauh tum hen zei rangah Pathian finghnâk nan êl?

THILTI 20:35

Zeizawng ka ti mi vial zûn ka nan zauhtir na tâwn kha, chubang hâwi hen hamh tak a ṭuan bû hen Lalpa Jisu thu theihkumza bû hen mi chaklo tla nan ṭangpi ding asi; amah ngelchel nih, “Zeilo lâk lei ngâk hen pêk lei a ṭha dauh,” a ti.

GALATIA 5:1

Sal si lo ding hen Krist nih hawng kan suah kha, chun bir tak hen dîr ule, sal liangbat lakah chun tâng nawlh lah u.

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.