MATHAI 11:22 - Bawm Common Language Bible Version

²² Sikhawmsele, ka nan ti na, lâirêl ni ah chun nannih tuar ngâk hen Tura leh Sidon tuar ding chu a ziachâng a um dauh lai.

MATHAI 11:22 ပူးပေါင်းရင်းမြစ်များ

JEREMIA 27:3

Churawhchun, LALPA nih ka sinah, Jerusalem ah mi lalchem Zedekiah zauh ding hen an ram ruangrûl ah um mi tla theih hen hawng mi tla Edom, Moab, Amon, Tura leh Sidon lalchem tla sinah thuchah thanh na ding hen hawng ka simh.

EZEKIEL 29:18

“Thikho mi minung, Babulon lalchem Nebukadnezar chu Tura do ding hen a suak. A kawrsen tla chu thil rit tak an lû kawlh rê hen a phurhtir na le, an liang tla â hâwk ver, sikhawmsele chu zawng anna nawk phahnâk karah chun lal leh kawrsen tla nih zei thil khawm an tawng lo.

JOEL 3:4

Tura, Sidon leh Philistia ram kiangkam mi zawzawng tla, ka lakah zei me ti ding na tum? Thil zeimawh ruangah lehrûl sam ding ma na ka awt? Chu hâwi mi na si chun ka nan rulh sawm lai!

MATHAI 10:15

Thungâi tak hen ka nan simh na, lâirêl ni ah chun chu khua tla tuar ngâk chun Sodom leh Gomorah ram tuar ding chu a ziachâng a um dauh lai.

MATHAI 11:21

“Korazin, na tlûn a pit, Betsaida, na tlûn a pit, nan lakah thilchê ti mi tla kha Tura leh Sidon ah ti si sele, salâpuan aih hen valeidip nâwngah to hen an rim ving lai rawh.

MATHAI 11:24

Sikhawmsele, ka nan simh na, lâirêl ni ah chun na tuar ding mi ngâk chun Sodom ram tuar ding mi chu a ziachâng a um dauh lai,” a ti.

MATHAI 12:36

“Chun, ka nan simh na, mi nih thu-do-tla-lo an sim kip ah chu thu thâwngthâng chu lâirêl ni ah chun an sim lai.

LUK 10:14

Sikhawmsele, lâirêlnâk ah chun nannih tuar ding ngâk chun Tura leh Sidon khua tuar ding chu a ziachâng um dauh lai.

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

2 PETER 3:7

Sikhawmsele, tuah vân tla leh tual um mi tla hi, Pathian thu ber hen mei hen veih an si lai le, Pathian sunhsaklo tla lâirêlnâk leh veihnâk ding ni rangah siah an si.

1 JOHAN 4:17

Zângfahnâk thiltum chu kan lakah siam rangtling hen a um rawh: lâirêl ding mi Ni lak khawm ah râlṭha tak hen kan um khonâk chu hi laikulh ah hin Jisu Krist nunchan hâwi put hen kan um ruangah asi.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.