MATHAI 11:20 - Bawm Common Language Bible Version

²⁰ Chun, an rim lo ruangah a thilchê ti tamnâk chem khua tla chu a fâi rawh:

MATHAI 11:20 ပူးပေါင်းရင်းမြစ်များ

JEREMIA 8:6

Thiamthih tak hen ka ngâi le, sikhawmsele thu dik rêng nan sim lo. Nan lakah âukhawm a sual ruangah pawi ti an um lo; ‘Zei thilsual me ka ti aw?’ ti hen ruattu pakhat khawm nan um lo. Râltuk ding hen rang a tek mi hâwi hen mah duhnâk chiauah nan kal kumza.

MATHAI 12:41

Ninevi khua mi tla chu lâirêl ni ah chun tu san mi le tla sinah hin an dîr lai le, an mawhtir na lai, Jona thusim lakah an rim ruangah; ngâinik u, Jona ngâk hen rokual dauh hinah hin a um asi.

MARK 16:14

Chun, chu nûn khawm ah chun, buh an dûm liauah leikhat tla sinah tak â langh le, a thawknawlh nûnah a muhtu tla thu chu an lung lo ruangah leh an thinlung chang leikâng thu ah a fâi na rawh.

MARK 9:19

Chun, anih nih chun an sinah, “Tu san lungnâk nei lo le tla, zei ri me nan sinah ka um lai le? Zei ri me ka nan sang kho na lai? Amah chu ka sinah hawng ruai u,” ti hen a sâng.

THILTI 17:20

Thilchê zeilo kan nâ ah na hawng tlunh asi; chun hi bang thil umzia hi theih kan duh,” an ti.

2 KORIN 12:21

ka hawng kal tikah ka Pathian nih nan lakah a hawng ka mualphoh nawlh hen, a lân thilsual titu tla lakah thil nâwmtâm ti tla, a duh mi tla, hur tla ching hen rim lo mi, mi tam tak tla chu ka ṭappi na lai ti ka ṭih asi.

JEM 1:5

Sikhawmsele, nan lakah âuzawng nih finghnâk a samphâng chun mi zawzawng sinah siang tak leh zângfah tak hen pêk tâwntu Pathian chu deih seh, churawhchun a sinah pêk asi lai.

THUPHUANG 16:11

an mâ leh an nganfâk ruangah vân Pathian chu hawlhsiat an barh le, sikhawmsele, an thilti sual chu an rim lêm lo.

THUPHUANG 16:9

Chun, chu minung tla chu nî nih ût rê hen emh na khawmsele, nî tlûnah thuneitu Pathian chu sawr leh chawnglawmh ngâk hen hawlhsiat an barh le, an sualnâk chu an rim lêm lo.

THUPHUANG 2:21

Chun, a sual rimnâk ding tik ka ruat piak le, sikhawmsele, a hurnâk sual chu a rim duh lo.