MATHAI 11:18 - Bawm Common Language Bible Version

¹⁸ Johan chu a hawng kal le, a ei hen a din lo le, Khuri nih a luah ma hi,’ an ti.

MATHAI 11:18 ပူးပေါင်းရင်းမြစ်များ

2 Lal 9:11

Jehu chu a hâwi tla sinah a kîr le, annih nih chun a sinah, “Thil zeizawng a tluang ma? Kha mi â pa nih zei rangah an duh?” an ti. Jehu nih a sâng le, “A duh mi chu nan theih ko kha ta a,” a ti.

JEREMIA 15:17

Ka tik tla chu midang tla sinah nihnâk leh tik ṭha ah ka mang lo. Na thupêk lakah ê-aw ngâi tak hen ka um le, thinthawknâk hen ka khat.

JEREMIA 29:26

“LALPA nih Jehoiada ruangrûl ah bâwlpu ah a nan siam le, tu chun nang chu Biakin ah hotu chem na si rawh. Mi â tla, khuavâng telê â siam mi thîr chikchîn hen a ngâwng ah khih mi tla zauhkhenh chu na rianṭuan asi.

HOSEA 9:7

Rêpnâk ding ni chu a hawng tlung rawh. Mi nih an tawng ding mi an sual man chu an tawng rawh chu chu a tlung tikah Israel nih a theih lai. Hi “Khuavâng hi a â mi asi, hi thu theihtu minung hi a â mi asi,” nan ti. Nannih tla nih chun nan sual a fâk tuktarâi ruangah thungâi nan hawng ka hua.

MATHAI 10:25

Sîntu chu a sîntirtu hâwi hen a hawng um mi leh to-aw chu a pu hâwi hen a hawng um mi chu â tâwk. Indâwngpu men ‘Belzebul’ an ti chun, a dâwngsung tla chu an ti ding rêng asi!

MATHAI 11:17

‘Theikhang ka nan tum piak na le, nan lâm ṭung lo; thungâi kan ṭap le, nan ir nan chumh ṭung lo,’ ti mi tla hâwi an si.

MATHAI 3:4

Chun, Johan nih chun sangâwngsâu mul puan â aih le, a tâi chu savun tâisâwm hen â sâwm le, a buh chu khâubawk leh ram khuaitizû asi.

MATHAI 9:34

Farisai tla nih chun, “Khuri lal asi ruangah khuri tla a nar tâwn mi hi,” an ti.

MARK 3:22

Chun, Dân sîntirtu tla Jerusalem thawk hen hawng ṭum mi tla nih chun, “Belzebul nei asi hi!” an ti; “Khuri lal ruangah asi lo mazei khuri tla a nar tâwn mi,” an ti.

LUK 1:15

Lalpa mitmuh hen milian asi lai le, uain leh zû rerêng a din lai loh, a suaknâk thawk hen Thlarau Thenhlimh hen a khat lai.

JOHAN 10:20

An lakah cherkhet nih, “Khuri a nei le, a â asi hi; zei rangah a thu nan ngâi?” an ti.

JOHAN 7:20

Chun, mi zapi nih chun, “Khuri na nei asi; âunih me thah ding a nan tum?” an ti le, an sâng.

JOHAN 8:48

Chun, Juda tla nih chun a sinah, “Samaria mi khuri nei na si kan ti mi kha, kan dik ngen lo ma?” an ti le, an sâng.

JOHAN 8:52

Juda tla nih a sinah, “Khuri nei na si ti tu ah kan nan theih rawh. Abraham a thi rawh, khuavâng tla hen, nangnih, ‘Mi nih ka thu a zâwt chun a thi rerêng lai loh,’ na ti.

THILTI 26:24

Chun, chu hâwi hen a mawhlonâk thu Pawl nih a sim liauah Festa nih chun hâu fak tak hen, “Pawl! Na â asi, na sîn tamnâk nih a nan âttir asi hi!” a ti.

1 KORIN 9:27

Chu hâwi ber hen boruak eng lo hen ka sualpi tâwn, ka taksa ka êng chiam le, sal ah ka siam tâwn. Chu lo chun midang tla sinah ka phuang nûnah khawm zei zeimawh ti hen keimah ngelchel hi lawnh hen ka um lebang lai.