MATHAI 11:11 - Bawm Common Language Bible Version

¹¹ Thungâi tak hen ka nan simh na, nunau ring mi lakah Baptistu Johan ngâk hen rokual dauh an suak lo rih; sikhawmsele, Vân Ram ah mi mê chem khawm anih ngâk hen chun an rokual dauh.

MATHAI 11:11 ပူးပေါင်းရင်းမြစ်များ

JOB LASUIBU 14:1

Ṭangpi herh leh chak lo hen suak mi ver kan si. Kan damsung ni tla khawm ah nawknâk â bang ver.

JOB LASUIBU 14:4

Zei thil tal minung a nâwm mi thawk hen chun thil thiang a suak dah loh.

JOB LASUIBU 15:14

Âu me a thenhlimh tak mi um? Pathian lakah mi dik âu an um kho mazei?

JOB LASUIBU 25:4

Pathian mitmuh ah âu rep leh thenlimh hen um kho?

SAM 51:5

Ka suak tîr thawk hen sual lakah ka um le; ka suak ni thawk hen sual lakah ka um.

ISAI 30:26

Thlâ chu nî hâwi hen a hawng chêu lai le, nî chu ni dangah mi a chêu lehsarih hen a chêu lai le, ni sarih chêu kha ni khat ah fawnh hep mi tluk asi lai. Hi bang zawzawng tla hi LALPA nih a mi tla liam mâ damh hen a tuam ni ah a hawng tlung lai.

ZEKARIA 12:8

Chu tikah chun Jerusalem ah um mi tla chu LALPA nih a hum na lai le, anmah lakah a chak lo chem mi khawm David hâwi hen an chak lai. David thlâk tla nih chun LALPA vânmifial hâwi leh amah Pathian tak hâwi hen an rui na lai.

MATHAI 11:10

‘Zauhnik, ka mifial na mâi leiah ka fial asi. Anih nih chun na mâi leiah na lam a sial lai, ti hen a thâwngthâng an rîn mi kha hi minung hi asi.

MATHAI 11:12

Baptistu Johan umnâk thawk hen tu tiang hen Vân Ram nih chun zângnâwrnâk a tawng tâwn le, zângnâwrtu tla nih chun zângran hen an lâk tâwn.

MATHAI 3:1

Chun, chu liau chu Baptistu Johan nih chun,

MATHAI 3:11

Kei lam nih chun nan rimnâk ding hen tî hen ka nan baptis na; sikhawmsele, ka dunglei ah a hawng kal ding mi chu keimah ngâk hen a rokual dauh le, a pheikawk put tlâk khawm kasi lo, anih nih chun Thlarau Thenhlimh leh mei hen a nan baptis na lai.

MATHAI 5:19

Chuvachun, âuzawng hi bang thupêk mê chem lakah hin pakhat mawh buar hen, chu hâwi ti bâk ding hen mi le tla sîntirtu zawng chu Vân Ram ah mi mêchem an ti lai; khawmsele, âuzawng Dân zâwt hen, sîntir bâktu zawng chu Vân Ram ah chun mi lian an ti lai.

LUK 1:15

Lalpa mitmuh hen milian asi lai le, uain leh zû rerêng a din lai loh, a suaknâk thawk hen Thlarau Thenhlimh hen a khat lai.

LUK 7:28

Nunau ring mi lakah Johan ngâk a rokual dauh an um lo; sikhawmsele, Pathian Ram ah a mê chem mi khawm anih ngâk chun a rokual dauh, ka nan ti na,” a ti.

LUK 9:48

Anih nih chun an sinah, “Âuzawng ka min ruangah hi ngâksiatê hi lawmhtu zawng chu keimah an ka lawmh asi; âuzawng kei an ka lawmhtu vial chu hawng ka fialtu lawmh an si; nan ektê lakah a mê chem mi hi asi rokual chem mi chu,” a ti.

JOHAN 1:15

Johan nih a thu a theihtir le, a âu le, “Ka dung leiah hawng ka zûltu nih khan hawng ka lehkhalh rawh asi, keimah lânah um asi rawh ruangah,’ ti hen a thu ka sim mi kha amah hi asi,” a ti.

JOHAN 1:27

Anih chu ka dung leiah hawng ding mi chu asi, a pheikawk rî sût tlâk khawm kasi lo,” a ti le, a sâng.

JOHAN 10:41

Chun, mi cherkhet a sinah an hawng kal le, “Johan nih thilchê zeikhawm chu a ti lo le; sikhawmsele Johan nih hi minung thu a sim mi zawzawng kha a dik ma hi,” an ti.

JOHAN 3:30

Anih chu sung-û dadauh ding asi, kei lam chu nâu dauh ding kasi.

JOHAN 5:35

Chu Johan chu khâwnvâr alh tak leh chêu tak chu asi; a chêu ah chun a lâwm rih ding nan duh kha.

JOHAN 7:39

Chu thu chu a zumhtu tla nih Thlarau an nei ding thu a sim asi; Thlarau chu pêk asi lo rih, Jisu chu chawnglawmh hen a um lo rih ruangah.

1 KORIN 15:9

Kei lam chu mifial lakah mê chem, kawhmi tla ka nehsawh na ruangah mifial ah ruat tlâklo kasi.

1 KORIN 6:4

Chun, thu rêl ding nan nei chun kawhmi tla lakah mawhphurhtu silo mi tla chu nan rêltir na tâwn mazei?

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

2 TIMOTHE 1:10

Sikhawmsele ruang hawng kan suahtu Jisu Krist a hawng kalnâk nih tu ah a langhtir rawh. Krist nih chun thihnâk thiltikhonâk chu veih hen, Thâwngthâng Ṭha hen nungnâk thi kho lo mi chu a langhtir rawh.

HEBRAI 11:40

Kanmah tel lo hen annih chu rangtlingtir hen an um lonâk ding hen Pathian nih kanmah leikang thu ah thil zeimawh ṭha dauh khun a timhtuah rawh ruangah.

1 PETER 1:10

Khuavâng tla nih fîmkhur tak hen an hâwl mi leh an deih mi chu ruangsuahnâk thu, Pathian nih thilpêk a nan pêk awt mi chu asi.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.