MATHAI 10:7 - Bawm Common Language Bible Version

⁷ Chun, nan kal liauah, “Vân Ram chu a hawng nâi rawh,” ti hen, sim vima u.

MATHAI 10:7 ပူးပေါင်းရင်းမြစ်များ

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

MATHAI 10:8

Damlo tla damh ule, mithi tla thawh ule, phâr tla thenhlimhtir ule, khuri tla nar u; a thawt hen nan tawng le, a thawt hen pêk u.

MATHAI 11:1

Chun, hi hâwi hi asi le, Jisu nih a ṭhiruai leinih tla chu thu a pêk thluh kâ hen chu thawk chun khua nâi tla ah sîntir leh thusim hen a kal rawh.

MATHAI 21:31

Chu minung panih nih chun zei mi dauh nih me an pa duhzia an ti?” a ti. Annih nih chun, “A masa dauh mi nih,” an ti. Jisu nih an sinah, “Thungâi tak hen ka nan simh na, siah khawlhtu tla leh nunau â zuar mi tla nih chun Pathian Ram an lût khalh na awt ma hi!

MATHAI 21:43

Churuangah chun Pathian Ram chu nan sinah mi suh asi lai le, a rah suah ding mi phun tla sinah pêk asi lai ti ka nan simh na.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

MATHAI 3:2

“Rim u, Vân Ram chu a nâi rawh,” ti hen, Judai ramkaro ah thusim hen a hawng kal.

MATHAI 4:17

Chu ri rawh chun Jisu nih chun, “Rim u, Vân Ram a nâi rawh,” ti hen sim a dawmh rawh.

MARK 6:12

Chun, an suak le, rimnâk thu an sim le;

LUK 16:16

“Dân leh khuavâng tla thu chu Johan a hawng um tiang khan a um le; chu thawk chun Pathian Ram Thâwngthâng Ṭha an sim le, mikip zângran ko hen an lût chiau.

LUK 9:2

Chun, Pathian Ram thu sim ding leh damlo tla damh ding hen a fial na rawh.

LUK 9:6

Chun, an kal le, khua an ṭawl vima le, ram kip ah Thâwngthâng Ṭha an sim le, mi an damh vima.

LUK 9:60

Anih nih chun a sinah, “Mithi nih anmah mithi chu vûi seh; nangnih chun Pathian Ram thu sim le, zanh rawh,” a ti.

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

THILTI 10:25

Chun, Peter chu a lût awt liau takah Kornelia nih chun a va dawng le, a kê bulah a bawkbukhup le, Pathian hâwi hen a mâimûk.

THILTI 28:31

Anih nih chun Pathian ram thu ah leh Lal Jisu Krist thu khawm râlṭha tak hen a simh na tâwn le, âukhawm nih amah an khap lêm lo.

THILTI 4:2

an sîntir na mi leh Jisu ruangah mithi lakah thawk hen thawknawlhnâk thu an sim ruangah thungâi an lungsilo.