MATHAI 10:6 - Bawm Common Language Bible Version

⁶ Sikhawmsele, Israel phun dawrâ tlâu tla sinah chun kal dauh u.

MATHAI 10:6 ပူးပေါင်းရင်းမြစ်များ

SAM 119:176

Dawrâ tlâu hâwi hen ka vâi le, churuangah hawng le, hawng ka zauh, Na to-aw hi, na dân thu chu ka thlawrhthlâu lo ruangah.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

JEREMIA 50:17

LALPA nih, “Israel mi tla chu chakeibaknei nih dawrâ tla a ṭhâwl na le a rekrâwitir na mi hâwi an si. A masa chem hen Asiria lal nih a do na le, chu nûnah Babulon lalchem Nebukadnezar nih an ruh a khelh.

JEREMIA 50:6

“Ka mi tla chu dawrâ a dâwngpu nih tlâng sâng takah a thlâu na mi hâwi an si. Dawrâ rual hâwi hen tlâng khat thawk hen tlâng dang tla khawm ah an vâi le, an umnâk in khawm an theih lo rawh.

EZEKIEL 34:16

“A tlâu mi tla chu ka hâwl na lai le, a vâi mi tla chu ka va khawk na lai, a liam mi tla chu ka tuam piak na lai, a damlo mi chu ka damh lai le; sikhawmsele kei chu dawrâpu thil dik titu kasi ruangah a bit mi leh a chak mi tla ka veih na awt.

EZEKIEL 34:4

A chak lo mi khawm nan bulsân lo, a damlo mi khawm nan damh na lo, â liam mi tla khawm nan tuam piak lo, a vâi mi khawm nan va dawng na lo, a tlâu mi khawm nan hâwl na lo. Chu ngâk hen nan nehsawh na.

EZEKIEL 34:6

Churuangah ka dawrâ tla chu tlâng sâng leh mual tla ah an vâi rawh. Laikulh zawzawngah anna rekrâwi le, âukhawm nih an zauhkhenh hen hâwl ding an tum lo.

EZEKIEL 34:8

Kei, Pathian nung kasi sung zawng chun ṭhadektê hen ka thu nan ngâi ding asi. Dawrâ vêngtu âukhawm a um lo ruangah ka dawrâ chu ramsa nih an thah na le, an ei na. Ka dawrâpu tla nih dawrâ tla chu hâwl ding an awtlo. Anmah kawngkâ cho anna ruat le, dawrâ rerêng an âwva lo.

MATHAI 18:10

“Hi bang mi mê tla lakah pakhat khawm hi zauhnawmh lo ding hen a thiamthih u; an vânmifial tla nih vân ah ka Pa vân ah mi mêl chu an muh kumza tâwn ti ka nan simh na hi.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

THILTI 13:46

Chun, Pawl leh Barnaba nih chun râlṭha tak hen an sim le, “Pathian thu hi nanmah tla sinah sim masa ding rêng asi; sikhawmsele, nan nar le, zungzâl nung tlâklo hen nanna ruat rawh nûnah hin theih u, Phundang leiah kanna her lai rawh.

THILTI 18:6

Sikhawmsele, an do le, an fâi le, Pawl nih a puan a thing le, an sinah, “Nan thihnâk mawh chu nanmah nih phurh ko u, kei lam chu ka thiang asi; tu thawk hen Phundang tla sinah ka kal lai,” a ti.

THILTI 26:20

a tîrah Damaska khua mi tla sinah, chu nûnah chun Jerusalem khua mi tla sinah, Juda ram kip mi tla sinah, Phundang tla sinah khawm rim min put tlâk hen thilti, rim hen, Pathian leiah anna hernâk ding hen ka sim dauh tâwn asi.

THILTI 3:26

Pathian nih a to-aw chu a ruat le, nan sual tla hertâk tir chiau ding hen mal a nan sâwm na ding hen nanmah sinah a hawng fial masa chem asi hi,” a ti.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.