MATHAI 10:28 - Bawm Common Language Bible Version

²⁸ Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

MATHAI 10:28 ပူးပေါင်းရင်းမြစ်များ

2 Lal 17:39

Kei LALPA, nan Pathian thu ngâi ule, nan mêlma tla lakah mi ruang kan suah na lai,” a ti.

JOB LASUIBU 37:24

Amah lakah lâu hen mikip an um mi chu a chê lo asi. Fing hen â rêl mi chu a thlawrhthlâu na.

SAM 119:120

Nangmah ka nan ṭih; na lâirêlnâk ruangah lâunâk hen ka khat.

THUSIMTU 5:7

Zeizat tal mang manh khawm le, rian rawtrâi lo zeizat tal ti khawm le, thu zeizat tal sim khawm le a pâwi lo, Pathian chu na ṭih kumza ding asi.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

MATHAI 10:26

“Chuvachun, annih tla chu ṭih lah u; langlo ding hen thuh zeikawm a um lo, theihlo ding hen pheh zeikhawm a um lo.

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

MATHAI 5:22

Kei lam nih chun, ‘Âuzawng a unau tlûnah thinruntu vial chu lâirêlnâk ah dîr ṭihnungkâi tak hen a um lai le, âuzawng a unau sinah, ‘Nang, mido-tla-lo,’ titu vial chu lâirêltu tla rêl piak ding ṭihnungkâi tak hen a um lai; chun, âuzawng ‘Nang mi â’ titu vial chu Gehena mei ah lawnh ṭihnungkâi tak hen a um lai ti ka nan simh na.

JOHAN 5:29

thil ṭha titu tla chu nungnâk ting hen an thawknawlh lai le, thilsual titu tla chu mawhnâk ting hen an thawknawlh lai.

THILTI 21:13

Chun, Pawl nih a sâng le, “Zei rangah nan ṭap le, nan ka ngaihsia tir? Lalpa Jisu min ruangah chun Jerusalem khua ah phuar cho tâwk ka ti lo le, thih khawm ka iam asi,” a ti.

HEBRAI 10:31

Pathian nung kut ah tlûk chu thil ṭihnungkâi tak asi!

HEBRAI 11:35

Lungnâk hen nunau tla nih an unau rualsia thi hen thawknawlh mi an tawng nawlh. Midang tla sawkphak hen an um, thawknawlhnâk ṭha dauh anna ting khonâk ding hen, ruangsuah na ding an duh lo;

JEM 4:12

Dân pêktu leh lâirêltu chu Pathian pakhat cho asi. Amah cho nih ruang a suah kho hen, râwk khawm a râwk kho asi. Na unau tla lâirêl piaktu ding hen âu me na rêl?

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.