MATHAI 10:26 - Bawm Common Language Bible Version

²⁶ “Chuvachun, annih tla chu ṭih lah u; langlo ding hen thuh zeikawm a um lo, theihlo ding hen pheh zeikhawm a um lo.

MATHAI 10:26 ပူးပေါင်းရင်းမြစ်များ

THUFING LASUIBU 10:9

Mi zumhkâi tla chu him tak leh thlangam tak hen an um le, sikhawmsele mi zumhkâilo chu tleih an si lai.

THUFING LASUIBU 28:1

Misual chu âukhawm nih ṭhâwl lo hen a tek. Sikhawmsele mi zumhkâi lam chu chakeibaknei hâwi hen a râl a ṭha.

THUFING LASUIBU 29:25

Mi nih an ruat mi hâwi hen thinlung put chu ṭihnung a kai le, sikhawmsele LALPA lakah ngauhtu na si chun na him lai.

THUSIMTU 12:14

Pathian nih thil kan ti mi zawng ah lâi a rêl awt le, a sia mi khawm a ṭha mi khawm, a thup hen thil ti mi tla khawm.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

JEREMIA 1:8

Annih chu ṭih na lah, a nan hum ding hen na sinah ka um awt ruangah. Kei, LALPA nih ka sim mi asi!” a ti.

EZEKIEL 2:6

“Sikhawmsele, nang thikho mi minung, anmah leh an thusim chu na ṭih ding asi lo. An zauhnawmh hen an siar lai lo; tlâng cha-âi nâwngah um mi hâwi na si lai. Chubang an hel mi leh an thusim tla chu zeiliau khawm ah ṭih lah.

MATHAI 10:28

Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

MARK 4:22

Puang lo ding hen pheh zeikhawm a um lo, lang lo ding hen thuh zeikhawm a um lo.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

LUK 8:17

“Puang lo ding hen pheh zeikhawm a um lo, theih lo ding hen leh lang lo ding hen thuh zeikhawm a um lo.

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 4:13

Chun, Peter leh Johan râlṭhat zia an muh hen lasui thiamlo mi leh mi narân an si ti an theih hen thungâi chê an ti. Jisu sinah an um ti an theih rawh.

THILTI 4:19

Sikhawmsele, Peter leh Johan nih an sinah, “Pathian mitmuh hen Pathian thu zûl ngâk hen nannih thu zûl a dik dauh lai menmaw, dawn set nik u.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.