MATHAI 10:23 - Bawm Common Language Bible Version

²³ Chuvachun, khua khat ah an nehsawh na tikah khua dangah tektâk u; thungâi tak hen ka nan simh na, Minung Fapa a hawng kal lânah Israel khua tla chu nan ṭawl thluh lai lo.

MATHAI 10:23 ပူးပေါင်းရင်းမြစ်များ

JEREMIA 26:21

Lalchem Jehoiakim leh a kawrsen tla leh a rianṭuantu tla nih Uriah thusim chu an theih le, lalchem nih thah ding a awt. Sikhawmsele Uriah nih chu chu a theih le, a ṭih ruangah a tek le, Aigupta ah a kal ving.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 2:13

Chun, an tlung nûnah, ngâinik, Lalpa vânmifial chu Josef sinah a mang leiah â langh le, “Thawk le, nâutê leh a nu put na le, Aigupta ram ah tek rawh, ka nan simh nawlh lânlo chu chunah chun um kumza; Herod nih nâutê veih ding hen a hâwl awt asi,” a ti.

MATHAI 23:34

Churuang chun nan sinah khuavâng tla, mifing tla, Dân sîntirtu tla ka hawng fial awt; zeimaw mi nan thah lai le, kraws ah nan khenh lai, zeimaw mi nanna pumhnâk in tla ah savun ri hen nan vuak lai le, khua kip ah nan nehsawh vima na lai.

MATHAI 23:36

Thungâi tak hen ka nan simh na, chubang zawzawng chu tu san mi tla tlûnah a hawng tlung lai.

MATHAI 24:27

Mîmthlâ saklei ah a hawng lek le, thlanglei tiang khawm hen a lang tâwn le, Minung Fapa a hawng kal nawlhnâk chu chu hâwi chu asi awt ruangah.

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 24:34

Thungâi tak hen ka nan simh na, chubang zawzawng chu a tlungkim lânlo chu tu san minung tla hi an vei lai lo.

MATHAI 24:48

Sikhawmsele, to-aw sual nih chun a thinlung hen, ‘Ka pu a hawng sawm lai lo,’ ti hen,

MATHAI 25:13

Chuvachun, ringrâwn hen um u, a ni leh a tik chu nan theih lo ruangah.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MATHAI 4:12

Chun, Johan an tleih ti Jisu nih a theih kâ hen Galili ram ah a kal ving le,

MARK 13:26

Chu tikah chun Minung Fapa hi thiltikhonâk fâk tak leh rokualnâk fâk tak hen sûm lakah a hawng kal mi an muh lai.

LUK 18:8

Ka nan simh na, an phû a lam piak sawm lai. Sikhawmsele, Minung Fapa hi a hawng kal tikah chun laikulh ah hin lungnâk a hawng muh lai mazei?” a ti.

LUK 21:27

Chu tikah chun Minung Fapa hi thiltikhonâk leh rokualnâk fâk tak hen sûm lakah a hawng kal mi an muh lai.

JOHAN 7:1

Chu nûn chun, Jisu nih Galili ram a ṭawl le; Juda tla nih amah thah an tum ruangah Judai ram chu a ṭawl duh lo.

THILTI 17:10

Chun, unau tla nih chun zân ah Pawl leh Sila chu Beria khua ah an kaltir sawm na le, chunah an va tlung rawh chun Juda tla pumhnâk in ah an lût.

THILTI 17:14

Chun, unau tla nih tisumsumriat tiang kal ding hen Pawl chu an fial sawm rawh. Sila leh Timothe lam chu chunah chun an um ko rih.

THILTI 20:1

Chun nawknâk chu a reh kâ hen Pawl nih ṭhiruai tla a kawhtir le, a fawrh na le, hawlh ṭha hen a ṭhen na le, Makedonia ram ah kal ding hen a suak rawh.

THILTI 8:1

Sawl khawm nih a thi mi chu rem a ti. Chun, chu ni ah chun Jerusalem ah kawhmi um tla chu nehsawh tuar anna dawmh rawh. Mifial tla cho lo chu lungtu zawzawng tla chu Judai leh Samaria ram khua kip ah anna rekrâwi ver rawh.