MATHAI 10:16 - Bawm Common Language Bible Version

¹⁶ “Ngâinik u, chingngia nâwngah dawrâ um hâwi hen ka nan fial na hi: chuvachun, rûl hâwi hen fing hen, vaṭhu hâwi hen pawi khawih lo hen um u.

MATHAI 10:16 ပူးပေါင်းရင်းမြစ်များ

GENESIS 3:1

LALPA Pathian siam mi lakah rûl chu a fing perpê chem. Rûl nih nunau sinah, “Pathian nih dûm lakah mi thing rah zeikhawm hi nan ei ding asi lo a nan ti tak na ma?” a ti

GENESIS 3:13

LALPA Pathian nih nunau sinah, “Zei rangah na ti êu?” a ti. Nunau nih chun, “Rûl nih ei ding hen hawng ka perpet mi chu a,” ti hen a sâng.

NEHEMIAH 4:13

Churawhchun, mi tla chu nâmsâu tla, fei tla, chanhtiang tla ka ap na le, kulh pînleiah dihlo kar chu chunah a chi chi hen um mun ka siam piak na.

JEREMIA 40:16

Sikhawmsele Gedaliah nih a sâng le, “Ti rîlmâl lah! Ismael thu na sim mi chu a diklo asi!” a ti.

HOSEA 7:11

Israel chu lâilêng zeikhawm theihlo hen a zuang mi hâwi asi le, a masa chem hen a mi tla nih Aigupta chu ṭangpi an deih le, churawhchun Asiria sinah an tek.

MATHAI 24:25

Ngâinik u, ka nan simhkan na hi.

MATHAI 24:45

“To-aw zumhkâi, fing tak, a pu nih a tik kip ah an buh ting ding ṭhen piak ding hen a dâwngsung tla tlûnah hotu ah a siam mi chu, a zei mi chem me asi lai?

MATHAI 25:2

An lakah panga an â le, panga an fing.

MATHAI 25:4

A fing mi tla lam nih chun an khâwnvâr tla an put le, an dûr tla lakah a hâng khawm an put sih.

MATHAI 25:9

Sikhawmsele, a fing mi tla nih chun, ‘Kannih leh nannih rangah a tinh lai loh; a zuartu tla sinah kal ule, châwk bâk u,’ ti hen, an sâng.

LUK 10:3

Kal u; chingngia nâwngah dawrâ fa um hâwi hen ka nan fial na hi.

LUK 21:15

nan mêlma zawzawng an kham na hen an êl kho lo na nâk ding hen thu leh finghnâk ka nan pêk na awt ruangah.

THILTI 20:29

Ka kal nûnah chingngia râng tla nan lakah a hawng lût lai le, murui tla an zuah lai loh ti ka theih.

1 KORIN 14:20

Unau le tla, thinlung leikâng ah ngâksia lah u. Sikhawmsele, sual leikâng lam chun fasêm si ule, thinlung leikâng lam chun upa si u.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 11:14

Chu chu a chê lo, Setan men chêu mifial ah â siam sawm tâwn.

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

2 KORIN 8:20

A rian kan ṭuan mi hi thilpêk leikângah hin âukhawm nih hawng kan sâwi lonâk ding hen kanna thiamthih le.

KOLOSA 1:9

Churuang chun, Thlarau finghnâk leh theihkhonâk zawzawng leikângah amah duhzia theih rangtlingnâk ah chun nan hawng khat khonâk ding hen, kan theih ni thawk hen chun kannih khawm nih thlacham hen kan deih piak na mi kan bâng lo.

KOLOSA 4:5

Tik dengkhâwng hâwi vima hen lênglei mi le tla lakah chun fing tak hen um u.

1 THESALONIKA 2:10

Nannih lungtu tla tlûnah thenhlimh tak leh rep tak leh simsâwi kawplo tak a kan um zia kha hawng kan theihpitu tla nan si, Pathian hen.

1 THESALONIKA 5:22

sual hâwi hen a lang mi zawzawng lakah a thliar u.