MATHAI 10:14 - Bawm Common Language Bible Version

¹⁴ Chun, âuzawng an lawmh na lo hen, nan thu khawm ngâilotu zawng, chu in thawk hen mawh, chu khua thawk hen mawh nan suak tikah chun nan kezaphah lakah mi valeidip khâwng u.

MATHAI 10:14 ပူးပေါင်းရင်းမြစ်များ

NEHEMIAH 5:13

Puan ka menh mi chu ka sût le, ka thing, “Âuzawng nan thutiam zûllotu chu Pathian nih hi hâwi hen thing seh. Pathian nih na in leh na neih zawzawng lâk hep sele, zeikhawm nei lo hen an siah seh,” ti hen ka sim. Chunah um mi mikip tla nih, “Amen,” an ti le, LALPA an sawr. Churawhchun, ruitu tla nih thu anna tiam rawh.

MATHAI 10:13

Chun, in ah mi tla chu chibai bûk tlâk an si chun nan lungngamnâk thu chu an tlûnah tlung seh; an tlâklo lam chun nan lungngamnâk thu chu nan tlûnah hawng kîr nawlh seh.

MATHAI 18:5

Chun, âuzawng ka min ruangah hi hâwi ngâksiatê pakhat lawmhtu zawng chu keimah an ka lawmh mi asi lai.

MARK 6:11

Chun, zei khua khawm ah an lawmh na lo hen, nan thu an ngâi lonâk zawng ah chu thawk hen nan suak tikah chun anmah theihtir na ding hen nan kezaphah tangah valeidip kawp mi chu khâwng u,” a ti.

MARK 9:37

“Âuzawng ka min ruangah hi hâwi ngâksiatê pakhat khawm lawmhtu vial chu keimah lawmhtu an si lai; âuzawng kei hawng ka lawmhtu zawng chu keimah cho lawmhtu an si lo le, hawng ka fialtu lawmh khawm an si lai,” a ti.

LUK 9:48

Anih nih chun an sinah, “Âuzawng ka min ruangah hi ngâksiatê hi lawmhtu zawng chu keimah an ka lawmh asi; âuzawng kei an ka lawmhtu vial chu hawng ka fialtu lawmh an si; nan ektê lakah a mê chem mi hi asi rokual chem mi chu,” a ti.

LUK 9:5

Chun, an lawmh lo natu zawng chu, chu khua thawk hen nan suak tikah chun anmah theihtirnâk ding hen nan kezaphah ah valeidip chu khâwng u,” a ti.

JOHAN 13:20

Thungâi tak hen ka nan simh na, âuzawng ka fial mi vial lawmhtu chu, keimah a ka lawmh asi; âuzawng kei lawmhtu chu, hawng ka fialtu lawmh asi,” a ti.

THILTI 13:51

Chun, annih nih chun an tlûnah an kêzaphah valeidip an khâwng le, Ikoniam khua an tleng.

THILTI 18:6

Sikhawmsele, an do le, an fâi le, Pawl nih a puan a thing le, an sinah, “Nan thihnâk mawh chu nanmah nih phurh ko u, kei lam chu ka thiang asi; tu thawk hen Phundang tla sinah ka kal lai,” a ti.

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.