MATHAI 10:1 - Bawm Common Language Bible Version

¹ Chun, a ṭhiruai leinih tla chu a kawh na le, khuri nâwmtâm tla nar kho ding hen leh damlo kip leh nganfâk kip damh khonâk ding hen thuneihnâk a pêk na.

MATHAI 10:1 ပူးပေါင်းရင်းမြစ်များ

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 26:20

Chun, zânleibâi asi rawh chun, ṭhiruai leinih tla hen buh an dûm le;

MATHAI 26:47

Chun, a sim liau chirah Juda, leinih tla lakah pakhat chu a hawng tleng rawh. Amah rual hen bâwlpu lal leh zatlâng upa tla sin thawk hen mi zapi cherkhet nâmsâu leh talhbo put hen an hawng tleng bâk.

MATHAI 4:23

Chun, Jisu nih anna pûmnâk in tla ah sîntir na hen Ram Thâwngthâng Ṭha chu sim hen, mi le tla lakah nganfâk kip leh chaklonâk kip damh hen Galili ram zawzawng a ṭawl.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

MATHAI 9:35

Chun, Jisu nih anna pûmnâk in tla ah sîntir na hen, Ram Thâwngthâng Ṭha chu sim hen, damlo kip leh nganfâk kip tla damh hen, khua lian leh khuatê tla zawzawng a ṭawl.

MATHAI 9:38

Chuvachun, fângzûn ding hen ṭuantu ding tla fial ding hen fâng dâwngpu sinah chun ngiar u,” a ti.

LUK 10:19

Rûl tla, tlâng cha-âi tla sirh khonâk thu leh mêlma thuneihnâk zawzawng neh khonâk thuneihnâk ka nan pêk na; zeikhawm nih nganfâk an pêk kho na lai loh.

LUK 21:15

nan mêlma zawzawng an kham na hen an êl kho lo na nâk ding hen thu leh finghnâk ka nan pêk na awt ruangah.

LUK 24:49

Chun, ka Pa thil tiamh chu nan tlûnah ka hawng fial awt; sikhawmsele, tlûn leiah mi thiltikhonâk hen thuamh nan si lânlo chu khuapi ah hin um kumza u,” a ti.

LUK 6:13

Chun, khua a dei kâ hen a ṭhiruai tla chu a kawh na le, an lakah mi leinih a thîm na le, an min khawm ah mifial ti hen a sak:

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 3:27

Johan nih a sâng le, “Minung nih zeikhawm a nei kho lo, vân ah mi pêk asi lo chun.

JOHAN 3:35

Pa nih Fapa a dâwt le, a thiltikhonâk ah thil zeizawng a pêk rawh.

JOHAN 6:70

Chun, Jisu nih an sinah, “Nannih leinih tla hi keimah thîm nan si lo ma? Nan lakah minung pakhat lam chu diabol asi,” a ti.

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 19:15

Sikhawmsele, khuri nih an sinah, “Jisu ka theih, Pawl khawm ka theih, nannih lam chu âu me nan si,” a ti na.

THUPHUANG 12:1

Chun, thilchê rokual tak vân ah a hawng lang le, nunau nî hen â thuam le, a kê tangah thlâpa a um mi, ârfi leinih hen siam mi lallukhuh â khuh mi a um.