MATHAI 1:1 - Bawm Common Language Bible Version

¹ Abraham thlâk, David thlâk, Jisu Krist thlâktu tla anna thlâk zia thâwngthâng chu:

MATHAI 1:1 ပူးပေါင်းရင်းမြစ်များ

GENESIS 12:3

Mal a nan sâwmtu chu mal ka sâwm lai, sikhawmsele siat an barhtu chu siat ka barh lai. Chun nangmah ruangah phun zawzawng mal ka sâwm lai,” a ti

GENESIS 2:4

Chu chu laikulh siam dân chu asi. LALPA Pathian nih laikulh a siam liauah,

GENESIS 22:18

Phun zawzawng tla nih an thlâk tla mal ka sâwm na mi hâwi hen malsâwmnâk an hawng ka deih lai. Ka thupêk zawzawng na zûl ruangah,” ti hen thu a tiamh.

GENESIS 5:1

Hi hi Adam thlâk tla chu asi: Pathian nih minung a siam liauah amah bang cho hen a siam.

SAM 132:11

David sinah thu tak lêt lo ding mi thutak na tiamh: “Na fapa tla lakah pakhat lal ah ka toh lai le, anih nih chun na nehnûnah lâi a rêl lai.

SAM 89:3

Nangnih chun, “Minung ka thîm mi hen thutiamnâk ka siam; ka to-aw David sin khawm thu ka tiam,

SAM 89:36

Thlâk tla a nei kumza lai, chun, nî a chêu kar zawzawng chu a ram ka vêng piak lai.

ISAI 11:1

David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 53:8

An tleih le, an rêp le, thah ding hen an kalpi le a thi ding mi âukhawm nih an vêng lo. Kan mi tla sual ruangah thah hen a um.

JEREMIA 23:5

LALPA nih, “David thlâk rep tak lakah mi lalchem ka thîm ding mi tik chu a tlung rawh. Chu lal nih chun fing tak hen lâi a rêl lai le, dik tak leh rep tak hen ram pumpi ah thil a ti lai.

JEREMIA 33:26

Hi ka ti mi hâwi hen ka to-aw Jakob leh David thlâk tla chu ka kilkâwi na awt. David thlâk lakah mi pakhat, Abraham, Isak leh Jakob thlâk tla tlûnah lâirêltu ding mi ka thîm awt. Ka mi tla tlûnah khua ka ruat lai le, an sul-le-lam ka tluangtir nawlh na lai,” a ti.

AMOS 9:11

LALPA nih, “David lalram, in a tlû le, â râwk mi hâwi chu dirhnawlhnâk ding ni chu a hawng tlung awt rawh. A kulh vâm tla chu ka remh nawlh lai le, a lânah mi hâwitê hen ka dirh nawlh lai. A lânah mi hâwitê hen ka sak hen ka siam nawlh lai.

ZEKARIA 12:8

Chu tikah chun Jerusalem ah um mi tla chu LALPA nih a hum na lai le, anmah lakah a chak lo chem mi khawm David hâwi hen an chak lai. David thlâk tla nih chun LALPA vânmifial hâwi leh amah Pathian tak hâwi hen an rui na lai.

MATHAI 1:18

Chun, Jisu, Mesia a hawng suak zia chu hi hâwi asi: A nu Mari chu Josef hen anna halh liauah, anna tawng lânah, Thlarau Thenhlimh nih a râitir ti a hawng theih rawh.

MATHAI 1:2

Abraham fa chu Isak asi, Isak fa chu Jakob, Jakob fa chu Juda leh a unau tla, Juda nih Tamar hen Perez leh Hezron an ring; Perez fa chu Hezron, Hezron fa chu Ram, Ram fa chu Aminadab, Aminadab fa chu Nason, Nason fa chu Salmon, Salmon nih Rahab hen Boaz an ring, Boaz nih Ruth hen Obed an ring, Obed fa chu Jese, Jese fa chu lalchem David.

MATHAI 15:22

Chun, chu ram mi chu Kanaan nunau pakhat a hawng suak le, “Lalpa, David Fapa, hawng ka zângfah rawh, ka fanu khuri nih a tleih thlir asi,” ti hen a âu.

MATHAI 3:16

Chun, Jisu baptis asi ka hen ti a mi a suak sawm le, chun, ngâinik, a rangah vân â awng le, Pathian Thlarau chu vaṭhu hâwi hen a hawng ṭum hen, a tlûnah a fû mi a muh.

MATHAI 9:27

Chun, Jisu chu chu thawk hen chun a kal vima le, mitchâw panih nih, “David Fapa, kan tlûnah khuaruat rawh,” ti hen, âu hen an zûl.

LUK 1:33

Jakob thlâk tla tlûnah zungzâl hen a lal lai le, a ram nih dawngh ni a nei lai loh,” a ti.

JOHAN 7:42

Mesia chu David thlâk lakah, David umnâk khua Bethlehem ah a suak ding asi ti Pathian lasui thu nih a sim lo mazei?” an ti.

THILTI 2:30

Anih chu khuavâng asi le, Pathian nih David thlâk tla âumawh a tophah tlûnah a totir awt ti siatsirh hen a sim ti a theih le;

ROM 1:3

Anih chu taksa lei thu ah chun David thlâk ah suak asi le,

ROM 4:13

Dân ruangah Abraham leh a thlâk tla sinah chun laikulh ro tingtu ding asi lai ti lam chu tiamh asi lo le, lungnâk ah repnâk ruangah asi dauh.

ROM 9:5

Pu tla chu an tâ asi bâk, taksa leiah Krist chu anmah thawk hen suak asi fâwn; anih chu thil zawzawng tlûnah mi, zungzâl sawr tlâk Pathian asi! Amen.

GALATIA 3:16

Chun, Abraham sinah asi, thu chu tiamh hen a um mi chu, a chi thlâk tla sinah khawm. Mi tam tak thu sim mi hâwi hen, “Chi thlâk tla sinah khawm,” a ti lo le, mi pakhat thu sim mi hâwi hen, “Na chi thlâk sinah khawm” ti asi dauh, chu chu Krist chu asi.

1 TIMOTHE 2:5

Pathian pakhat cho a um le Pathian leh minung karah thu lanhtu pakhat a um, chu chu Jisu Krist asi.

2 TIMOTHE 2:8

Jisu Krist, David thlâk a mi ka Thâwngthâng Ṭha sim hâwi hen mithi lakah mi thawknawlh kha theih kumza rawh.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.