MARK 9:7 - Bawm Common Language Bible Version

⁷ Chun, anmah tla liah hen sûm a hawng zîng le, chun sûm ah chun aw a hawng suak le, “Hi hi ka Fapa duhtak asi, amah thu ngâi u,” a ti.

MARK 9:7 ပူးပေါင်းရင်းမြစ်များ

SAM 2:7

“LALPA nih a sim mi chu ka phuang awt” Lalchem nih a ti. ‘LALPA nih ka fapa na si, tusûn hin na pa kasi,’ a ti.

SAM 97:2

Mûi leh sûm nih a kulh le; rep tak leh dik tak hen lâi a rêl.

EXODUS 24:16

Mit ser rê mi chêu LALPA mâika mi chu tlâng tlûnah a hawng ṭum rawh. Israel mi tla mitmuh ah tlâng tlûnah mei a kâng mi chêu hâwi asi. Ni ruk kar chu tlâng chu sûm nih a khuh pang, a ni sarih ni ah chun LALPA nih Mosi chu sûm thawk hen a kawh.

EXODUS 40:34

LALPA Puanin chu sûm nih a hawng khuh le, mit ser rê hen chêu nih chun LALPA umnâk chu a khattir rawh.

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

MATHAI 27:43

Pathian a lung si lo ma, amah hi a duh chun tuhin Pathian nih ruangsuah seh,! ‘Pathian Fapa kasi,’ a ti dangâi ah,” an ti.

MATHAI 27:54

Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

MARK 1:11

Chun, “Nang, ka Fapa duhtak na si le, na tlûnah thungâi ka lâwm asi,” ti hen, vân thawk hen aw-hâu a hawng suak.

MARK 9:6

An ṭih ngâi ruangah sim ding lêm khawm an theih lo.

MARK 9:8

Chun, an kiangkam an zauh sawm le, anmah tla sinah Jisu cho lo chu âukhawm an muh lo rawh.

LUK 3:22

chun Thlarau Thenhlimh chu taksa put hen vaṭhu hâwi hen a hawng ṭum le, a tlûnah a fû. Vân thawk hen aw a hawng suak le, “Nang ka Fapa duhtak na si, na tlûnah thungâi ka lâwm,” a ti.

JOHAN 1:34

Chu chu ka muh rawh le,” “chun hi hi Pathian Fapa asi ti ka theihtir rawh,” a ti.

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 12:28

Pa, na min chawnglawmh rawh,” a ti. Chuvachun, vân thawk hen aw-hâu a hawng suak le, “Ka chawnglawmh rawh, ka chawnglawmh nawlh lai,” a ti.

JOHAN 19:7

Juda tla nih chun a sinah, “Kan Dân pakhat a um, chu Dân hâwi vima hen Pathian Fapa ah â siam ruangah a thi ding asi,” an ti le, an sâng.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 5:18

Chuvachun, Juda tla nih thah ding an tum khun le, Dinhni a buar ruang cho khawm asi lo le, Pathian amah Pa ah a ruat le, Pathian tluk hen â siam ruang khawm ah asi.

JOHAN 5:37

Pa hawng ka fialtu khawm nih chun ka thâwngthâng a theihtir rawh. Nannih nih zeiliau khawm ah a aw-hâu nan theih dahlo, a mêl khawm nan muh dahlo.

JOHAN 6:69

Nang Pathian Mi Thenhlimh chu na si ti kan lung hen kan theih rawh,” a ti le, a sâng.

JOHAN 9:35

Chun, an nar ti Jisu nih a theih le; chun, anna tawng rawh chun, “Minung Fapa na zumh ma?” a ti.

THILTI 1:9

Chun, chubang thu chu a sim thluh nûnah an muh ko bû hen vân ah kâi hen a um; chun sûm nih an muh phâk lo ah a phenh rawh.

THILTI 7:37

Israel thlâk tla sinah, ‘Pathian nih kei hawng ka siam hâwi hen khuavâng ah a nan fial lai, nan unau tla lakah mi asi lai,’ titu kha asi, Mosi chu.

THILTI 8:36

Chun, lampi ah an kal liauah tî umnâk ah an tleng le; chun tilkhei nih chun, “Zauhnik, hinah tî a um, baptis ding hen zei nih me hawng ka kham chem?” a ti.

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

HEBRAI 2:1

Churuangah, nâ hen kan theih mi tla kha semsêngâi tak hen kan sunhsak khun ding asi, chu lo chun kan vei sual lebang lai.

2 PETER 1:17

Anih nih chun Pa Pathian sin thawk hen rokualnâk leh chawnglawmhnâk pêk asi liau khan kan um ko asi, Chungnungchem aw-hâu chu a tlûnah hi hâwi hen a hawng suak, “Hi hi ka Fapa duhtak, ka lawmh ngâi mi chu asi,” ti hen.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.