MARK 9:31 - Bawm Common Language Bible Version

³¹ A ṭhiruai tla a sîntir na dangâiah; an sinah, “Minung Fapa hi minung tla kut ah tleihtir hen a um ding asi, an thah lai le; chun an thah nûnah ni thum ni ah a thawknawlh lai,” a ti.

MARK 9:31 ပူးပေါင်းရင်းမြစ်များ

MATHAI 16:21

Chu ri rawh chun, Jisu nih Jerusalem ah a kal ding tla, upa tla, bâwlpu lal tla leh Dân sîntirtu tla lakah thil tam tak a tuar ding zia tla, thah hen a um ding zia tla, ni thum ni ah thawk hen a um ding zia tla chu a ṭhiruai tla theihtir a dawmh rawh.

MATHAI 20:28

Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

MATHAI 26:2

“Ni nihnâk ah Kalkanh Kût a hawng um awt ti nan theih, Minung Fapa hi khenh ding hen an tleihtir awt asi,” a ti.

MATHAI 27:63

“Ka pu, chu perpettu nih chun a dam liauah khan, ‘Ni thum nûnah ka thawknawlh lai,’ a ti mi kan theih ko.

MARK 10:34

Chun, annih nih chun a tlûnah thi ding hen thu an thlûk lai le, Phundang tla sinah an pêk lai; chun annih nih chun nihsuak siamnâk ah an mang lai le, chil an sah lai le, an vuak lai le, an thah lai; chun, ni thumnâk ah a thawknawlh lai,” ti hen, a tlûnah thil hawng tlung ding mi tla chu an sinah a sim rawh.

MARK 8:31

Chun, Minung Fapa nih chun thil tam tak a tuar ding mi leh upa tla, bâwlpu lal tla, Dân sîntirtu tla duh lo hen a um ding mi tla, thah hen a um ding mi tla, ni thum ni ah a thawknawlh ding mi tla chu a sîntir na rawh.

MARK 9:12

Chun, anih nih chun an sinah, “Elija chu a hawng kal masa ding asi rerêng; zeizawng a remh awt asi; thil tam tak tuar hen mi zauhnawmh hen a um ding asi ti Minung Fapa thâwngthâng zei hâwi hen me an rîn?

LUK 24:26

Mesia nih chubang thil chu tuar hen a rokualnâk ah a lût ding rêng asi lo mazei?” a ti.

LUK 9:44

“Chubang thu chu nan nâ ah lût seh: Minung Fapa hi minung tla kut ah tleihtir hen a um awt ruangah,” a ti.

JOHAN 10:18

Âukhawm nih ka sinah mi an lâk kho lai loh, keimah thu thu hen ka pêk awt asi. Pêk kho kasi, lâk nawlh kho khawm kasi. Hi thupêk hi ka Pa thawk hen ka tawng asi,” a ti.

JOHAN 2:19

Jisu nih an sinah, “Hi Pathian Biakin hi râwk ule, ni thum karah ka dirh nawlh lai,” a ti le, a sâng.

JOHAN 3:14

Chun, Mosi nih ramkaro ah rûl a thlâi hâwi khan, Minung Fapa hi thlâi hen a um ding asi.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.