MARK 9:25 - Bawm Common Language Bible Version

²⁵ Chun, Jisu nih mi zapi an hawng tek le, anna pûm liau a muh rawh chun khuri nâwmtâm chu a fâi le, a sinah, “Nang, khuri hawlh kho lo leh nasêt, thu ka nan pêk, a sungah mi suak le, lût nawlh lah rawh,” a ti.

MARK 9:25 ပူးပေါင်းရင်းမြစ်များ

ZEKARIA 3:2

LALPA vânmifial nih Setan sinah, “Setan, LALPA nih an mawhtir seh! Jerusalem zângfahtu LALPA nih an mawhtir seh. Hi minung hi mei lakah mi ṭhianṭhunh thur zawk mi hâwi asi,” a ti.

MATHAI 12:22

Chu liau chun mitchâw hawlh kho lo mi, khuri vuanh pakhat an hawng put le; chun, anih nih chun a damh le, chun a hawlh kho lo mi chu a hawng hawlh kho hen a hawng muh kho rawh.

MATHAI 17:18

Chun, Jisu nih khuri chu a fâi le, a sung ah mi a suak rawh; chu dâr thawk hen chun ngâksia chu a dam rawh.

MARK 9:15

Chun, mi zapi zawzawng nih chun Jisu an muh ka hen chun chê an ti ngâi le, a sinah an tek sawm le, chibai an va bûk.

MARK 9:24

Chun, ngâksia pa nih chun, “Ka lung, ka zumhmaihnâk ah hin hawng ka ṭangpi rawh,” ti hen a âu sawm rawh.

MARK 9:26

Chun, a âu le, cherkhet a sûlneng rawh chun a suak rawh. Chun, ngâksia chu thi hâwi hen a um rawh. Chuvachun, mi tam dauh nih chun, “A thi asi,” an ti.

LUK 11:14

Chun, Jisu nih khuri hawlh kho lo pakhat a nar, chun khuri chu a suak kâ hen hawlh kho lo mi chu a hawlh rawh; chun, mi zapi tla nih thungâi chê an ti.

LUK 4:35

Chun, Jisu nih a fâi le, “Dâisip le, a sungah mi hawng suak rawh,” a ti. Chun, khuri nih chun a lâi ah a thlûk le, nganfâk pêk lo hen a sungah mi chu a suak rawh.

LUK 4:41

Chun, khuri tla khawm, “Pathian Fapa na si,” ti hen, an âu le, mi tam tak paw sungah mi an hawng suak. Chun, anmah tla a fâi le, Mesia asi ti an theih le, an hawlh a siang lo.

LUK 8:29

Jisu nih khuri nâwmtâm chu, chu minung paw sungah mi chu suak ding hen thu a pêk rawh ruangah. Chu minung chu vei tam tak khuri nih a tleih tâwn asi, mi nih thîr chikchîn leh rêng an khimh le, an vêng kumza tâwn; sikhawmsele, a phuarnâk tla a sah le, khuri nih ramkaro leiah a khalh tâwn.

LUK 9:42

Chun, a hawng kal liauah khuri nih chun a thlûk chiam le, cherkhet hamh a pêk. Sikhawmsele, khuri nâwmtâm chu a fâi le, ngâksia chu a damh le, a pa sinah chun a kaltir nawlh rawh.

THILTI 16:18

Chu hâwi hen chun ni sâwt tak a ti tâwn. Chun, Pawl chu a lung silo rawh le, â her le, khuri sinah chun, Jisu Krist min hen a sungah mi hawng suak ding hen thu ka nan pêk,” a ti. Chu liau chir chun a suak sawm rawh.

JUD 1:9

Mikael vânmifial chungnungchem men kha, Mosi ruak thu ah anna êl liau khan, Diabol tlûnah thu rêl piak hen mawh a phurhtir ngam lo le, “Lalpa nih a nan fâi dauh seh” a ti.