MARK 9:24 - Bawm Common Language Bible Version

²⁴ Chun, ngâksia pa nih chun, “Ka lung, ka zumhmaihnâk ah hin hawng ka ṭangpi rawh,” ti hen a âu sawm rawh.

MARK 9:24 ပူးပေါင်းရင်းမြစ်များ

2 SAMUEL 16:12

LALPA nih ka vânduainâk hi a theih hen hi hawlhsiat barh hi malsâwmnâk hen khawm a rulh kho asi,” a ti.

2 Lal 20:5

LALPA mipi tla lâirêltu Hezekiah sinah thu sim nawlh ding hen a kîr le, a sinah, “Kei, LALPA, na thlâktu David Pathian nih na thlachamnâk khawm ka theih, na mitthli tlâk khawm ka muh, ka nan damh nawlh lai le, ni thumnâk ah Biakin ah na kal lai. Kum leinga hen na san ka sâutir nawlh lai.

SAM 126:5

Ṭap bû hen an fachî vawrhtu tla nih chun lâwm bû hen fângzûn liauah an pumh lai!

SAM 39:12

LALPA, ka thlachamnâk hi theih le, ka âu mi hi ngâi; ka ṭap tikah keimah ṭangpi ding hen hawng. Hawng ka thlâktu tla hâwi hen sâwtlotê karah na rangah khual cho kasi.

JEREMIA 14:17

LALPA nih chun, ka lawksawng thu tla zapi sinah va sim ding hen thu hawng ka pêk le: “Ka mit ah mi mitthli chu a sûn a zân hen luang seh, ka mi tla chu anna liam zia a fâk ruangah leh fâk tak hen nganfâk pêk an si ruangah ka ṭap bâng lah seh.

MARK 9:23

Chun, Jisu nih a sinah, “Na ti kho chun a! Lungnâk neitu rangah chun zeizawng tikho asi,” a ti.

MARK 9:25

Chun, Jisu nih mi zapi an hawng tek le, anna pûm liau a muh rawh chun khuri nâwmtâm chu a fâi le, a sinah, “Nang, khuri hawlh kho lo leh nasêt, thu ka nan pêk, a sungah mi suak le, lût nawlh lah rawh,” a ti.

LUK 17:5

Chun, ṭhiruai tla nih chun Lalpa sinah, “Kan lungnâk pungtir,” an ti.

LUK 7:38

A dung leiah a kezaphab bul ah chun ṭap bû hen a dîr le, a mitthli hen a kezaphah a chinh le, a sam hen a nâwt, a kezaphah chu a châwchawk chiam le, sariak rimthâw hen a chulh.

LUK 7:44

Chun, nunau lei chu â hawi le, Simon sinah chun, ‘Hi nunau hi na muh ma? Na in ah ka hawng lût le, nangnih ka kezaphah ṭâwlnâk ding tî na ka pêk lo, anih lam nih chun a mitthli hen ka kezaphah a chinh le, a sam hen a nâwt asi.

THILTI 10:19

Chun, muhtirnâk thu a dawnruat liauah Thlarau nih a sinah, “Mi pathum nih an hâwl.

THILTI 10:31

‘Kornelia, na thlachamnâk kha theih hen a um rawh, mi sinah na thilpêk tla khawm kha Pathian nih a theihkumza.

2 KORIN 2:4

Mitthli tam tak tla bû hen leh thinlung hamhnâk leh thungâi thlakâm hen ka rîn asi kha; chu chu ngaihsiattir hen nan umnâk ding asi lo le, nan tlûnah dâwtnâk fâk tak ka nei mi hi nan theih khonâk ding hen asi.

EPHESI 2:8

Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

2 THESALONIKA 1:11

Chu hâwi hen chawnglawmh leh chê asi khonâk ding hen kan Pathian nih a nan kawh na nâk ah chun kawh tlâk si hen an ruat kho na ding leh ṭhat duhnâk kip leh lungnâk rianṭuan kip a thiltikhonâk ah a lawhtlingtir khonâk ding hen thla kan cham piak kumza na tâwn hi.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

2 TIMOTHE 1:4

Na mitthli tlâk tla ka theihkumza le, lâwm a khat hen ka um khonâk ding hen muh ding thungâi ka nan duh asi.

HEBRAI 12:17

Chu nûnah chun, a pa malsâwmnâk chu ting ding duh hen mitthli tla bû hen ngiar khawmsele thinlung lêtnâk a nei lo ruangah a tawng lo rawh ti nan theih asi.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

HEBRAI 5:7

Jisu chu tual ah a um liau tla ah khan thihnâk lakah amah sansuah khotu Pathian sinah fâk tak hen âu leh mitthli tlâ rê bû hen thlachamnâk leh ngiarnâk tla a ap le, nâu tak hen â pêknâk ruangah Pathian nih a ngâi piak.