MARK 9:22 - Bawm Common Language Bible Version

²² chun amah veih ding hen vei tam tak mei ah leh tî ah khawm a tûl rawh le; sikhawmsele nangnih zeitin mawh tal na ti kho chun hawng kan zângfah le, hawng kan ṭangpi rawh,” a ti.

MARK 9:22 ပူးပေါင်းရင်းမြစ်များ

MATHAI 14:31

Chun, Jisu nih a banh sawm le, amah chu a tleih le, a sinah, “Nang, lung tâwm, zei rangah na zumhmaih?” a ti.

MATHAI 17:15

“Lalpa, ka fapa khi zângfah rawh, rualthlû asi, thungâi a tuarzia a fâk; vei tam tak mei ah a tlû le, vei tam tak tî lakah a tlû tâwn asi.

MATHAI 20:34

Chun, Jisu nih thungâi a lungkham na le, an mit a tham le, chun an muh kho sawm le, amah chu an zûl rawh.

MATHAI 8:2

Chun, a sinah phâr a hawng kal le, “Lalpa, na duh chun na ka thenhlimhtir kho,” ti hen, mâi a mûk.

MATHAI 9:28

Chun, in ah a lût rawh chun mitchâw tla chu a sinah an hawng kal le; chun Jisu nih an sinah, “Hi hi ti kho ding hen nan ka zumh ma?” a ti. Annih nih chun a sinah, “Zumh ta a, Lalpa,” an ti.

MARK 5:19

Sikhawmsele, Jisu nih a siang lo le, a sinah, “Na in ah na hâwi tla sinah tlung le, Lalpa nih na rangah thil a nan ti piak mi a rokual zia leh a nan zângfah zia hi va sim rawh,” a ti rawh.

MARK 9:21

Chun, anih nih chun a pa sinah, “Hi hâwi hen a hawng umtirnâk hi zei tluk a sâwt rawh?” ti hen a deih. Anih nih chun, “A ngâksiatê thawk hen asi;

MARK 9:23

Chun, Jisu nih a sinah, “Na ti kho chun a! Lungnâk neitu rangah chun zeizawng tikho asi,” a ti.

LUK 7:13

Chun, Lalpa nih chun numei chu a muh kâ hen thungâi a siherh le, “Ṭap lah,” a ti.