MARK 9:19 - Bawm Common Language Bible Version

¹⁹ Chun, anih nih chun an sinah, “Tu san lungnâk nei lo le tla, zei ri me nan sinah ka um lai le? Zei ri me ka nan sang kho na lai? Amah chu ka sinah hawng ruai u,” ti hen a sâng.

MARK 9:19 ပူးပေါင်းရင်းမြစ်များ

SAM 78:22

anmah ruangsuah ding hen amah chu an zumh lo ruang leh an lunglo ruangah.

NUMBER 14:11

LALPA nih Mosi sinah, “Zeitiang rêmruam me, hi zapi tla nih an hawng ka nawng awt? Zeitiang rêmruam me, an lakah thilchê tam tak ka ti khawm ah an ka zumh lo awt?

NUMBER 14:22

hi bang zapi minung lakah pakhat khawm chu ram ah lût ding hen an dam lai lo. Ka umnâk mi chêu leh Aigupta ram leh ramkaro ah thilchê ka ti mi khawm an muh, sikhawmsele hi tluk kâ dawnh mi lakah ka thu an êl hen ê-aw an ngâilo nget rih.

NUMBER 14:27

“Zeitiang rêmruam me hi zapi minung sual tla hi ka tlûnah an chipchiar awt? Hi chipchiarnâk tla hi ka theih tâwk rawh.

MATHAI 17:17

Chun, Jisu nih, “Tu san lungnâk nei lo leh simh har tla, zei tiang me nan sinah ka um lai le, zei tiang me ka nan sang kho na lai? Amah chu ka sinah hin hawngpi u,” a ti le, a sâng.

MARK 16:14

Chun, chu nûn khawm ah chun, buh an dûm liauah leikhat tla sinah tak â langh le, a thawknawlh nûnah a muhtu tla thu chu an lung lo ruangah leh an thinlung chang leikâng thu ah a fâi na rawh.

MARK 9:18

a tleihnâk kip ah a thlûk chiam tâwn le; chun a buanbarâ tla a tlâ le, a hachang a rial le, â zûk da dauh tâwn. Chun, na ṭhiruai tla hi nar ding hen ka simh na le, an ti kho lo,” ti hen a sâng.

MARK 9:20

Chun, amah chu a sinah an hawng ruai. Chun, khuri nih chun anih chu a muh kâ hen ngâksia chu cherkhet hen a sûlneng sawm rawh. Chun, tual ah a tlû le, a buanbarâ a tlâ le, a tâl chiam.

LUK 24:25

Chun, anih nih chun an sinah, “Mi â tla, khuavâng tla zawzawng thusim lung leikâng ah thinlung sêt tla!

LUK 9:41

Chun, Jisu nih, “Tu san minung lungnâk nei lo leh lungkhung le tla, zei tiang me nan sinah ka um lai le, ka nan sang kho na lai? Na fapa chu hinah hawng put,” a ti le, a sâng.

JOHAN 12:27

“Tuah ka thinlung a lawksawng; zei ka sim lai? ‘Pa, hi tik lakah hin ruang hawng ka suah rawh,’ ka ti lai ma? Zeikhawm si sele, hi tuar ding mi tik tak hi ka hawng san asi.

JOHAN 20:27

Chun, Thom sinah chun, “Na kutdawng hen hawng tham le, ka kut tla hi zauh rawh; na kut hawng banh le, ka nâk tham rawh; lunglo hen um lah le, lung rawh!” a ti.

DEUTERONOMY 32:20

‘Ka ṭangpi na lai lo rawh; mi zumhkâilo leh mi lungkhung lakah zei me a hawng tlung ka zauhnik lai,’ a ti.