MARK 8:38 - Bawm Common Language Bible Version

³⁸ Âuzawng tu san zumhkâilo leh thilsual ti mang tla lakah keimah leh ka thu zahpitu zawng chu, Minung Fapa nih hin vânmifial thenhlimh tla hen a Pa rokualnâk ah a thuam hen a hawng kal tikah chun chu minung chu a hawng zahpi bâk lai,” a ti.

MARK 8:38 ပူးပေါင်းရင်းမြစ်များ

DANIAL 7:10

chu thawk hen chun mei tiva a hawng suak, mi sâng tam tak nih a rian an ṭuan piak le, mi nuaikhat a mâika ah an dîr, lâirêlnâk chu dawmh asi le, lasuibu tla an kêu.

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

ZEKARIA 14:5

Chu tlâng panih tivakuam a ṭhen phawknâk hen nan suak lai. Juda lal Uziah san ah lî ninh liauah an thlâk natu an tek mi hâwi hen nan tek lai. LALPA ka Pathian chu a vânmifial tla zawzawng put hen an hawng lai.

MATHAI 12:39

Anih nih chun an sinah, “Tu san sual tak leh ṭângdang pawmtâk mang tak mi nih chun singsiahnâk an hâwl le, sikhawmsele khuavâng Jona singsiahnâk cho lo chu an sinah singsiahnâk rerêng pêk an si lai lo:

MATHAI 13:41

Minung Fapa nih hin a vânmifial tla chu a fial lai le, a ram thawk hen sualtirtu tla leh thilsual titu tla zawzawng chu a khawk na lai le,

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 16:4

Tu san minung sual tak leh ṭângdang pawmtâk mang tak tla nih chun singsiahnâk an hâwl le, sikhawmsele Jona singsiahnâk cho lo chu an sinah singsiahnâk rerêng pêk asi lai lo,” a ti le, a sâng. Chun, anmah a mâk na le, a kaltâk ving na.

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

MARK 13:26

Chu tikah chun Minung Fapa hi thiltikhonâk fâk tak leh rokualnâk fâk tak hen sûm lakah a hawng kal mi an muh lai.

MARK 14:62

Chun, Jisu nih, “Ka si; Minung Fapa hi thiltikhonâk vawrhlei ah to hen, vân sûm lakah a hawng mi nan muh awt asi,” a ti.

MARK 8:37

Mi nih a nungnâk ruangrûl ah zei me a pêk kho lai?

LUK 19:26

Ka nan ti na, a nei mi zawng an sap lai le, a nei lo mi chu a neihlem khawm an lâk piak lai.

LUK 9:26

Âuzawng keimah leh ka thu zahpitu zawng, Minung Fapa nih hin, amah rokualnâk hen leh a Pa rokualnâk hen vânmifial thenhlimh tla rokualnâk hen a hawng kal tikah chun, chu minung chu a zahpi lai.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:51

Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

JOHAN 12:34

Chun, mi zapi nih a sinah, “Mesia chu zungzâl hen a um kumza awt ti Dân ah kan theih; nangnih, ‘Minung Fapa thlâi hen a um ding asi,’ zeitin zia hen ti me na si? Chu Minung Fapa chu âu me asi?” an ti le, an sâng.

JOHAN 5:27

chun, Minung Fapa asi ruangah a sinah lâirêl ding thuneihnâk a pêk.

THILTI 10:22

Chun, annih nih chun, “Vânmifial thenhlimh pakhat nih Kornelia kawrsen zâ hotu, mirep tak, Pathian ṭih mi, Juda phun zawzawng nih an zah mi sinah chun na thusim theih ding hen, a in ah nangmah kawh ding hen a simh asi,” an ti.

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

GALATIA 6:14

Kei lam nih chun kan Lalpa Jisu Krist kraws lo chu ka putso lo ding zia chu, chu zârah chun laikulh hi ka rangah khenh hen a um rawh, kei khawm laikulh rangah khenh hen ka um asi.

DEUTERONOMY 33:2

LALPA chu Sinai Tlâng thawk hen a ṭum le; Edom ram tlûnah nî hâwi hen a hawng suak le, Paran Tlâng thawk hen a mi tla a hawng cherh na. A sinah vânmifial sâng râ an um le, a kut vawrhlei ah meialh a um.

1 THESALONIKA 2:19

Kan lungumnâk mawh, kanna lâwmnâk mawh, kan lallukhuh putso mawh zei me asi ne? A hawng tikah kan Lalpa Jisu mâika ah chun nanmah ngelchel nan si awt mi asi lo ma?

1 THESALONIKA 3:13

Chun, kan Lalpa Jisu a mi thenhlimh zawzawng tla hen a hawng kal tikah, kan Pathian leh kan Pa mâika ah nan thinlung tla thenhlimhnâk leikângah simsâwi kawplo hen a nan birhtir kho na lai.

2 TIMOTHE 1:12

Churuang chem asi, hi bang thil khawm hi ka tuar mi chu; sikhawmsele ka ningzak lo; ka lung mi Pathian chu ka theih, a sinah ka kiltir mi chu, chu Ni rang ding ah chun ṭha dek hen a kil kho ti dik tak hen ka theih ber.

2 TIMOTHE 1:16

Lalpa nih chun Onesiphora dâwngsung tla sinah khuaruat seh, anih nih chun a hawng ka lawmhtir kumza le; ka rêngkhimh khawm a ka zahpi loh.

2 TIMOTHE 1:8

Chun, kan Lalpa thu theihtirnâk chu zahpi lah le, kei, amah mi rêngtlâ khawm hi hawng ka zahpi ber lah. Thâwngthâng Ṭha ruangah hamh hi Pathian thiltikhonâk hâwi vima hen, hawng ka tuarpi lehlam rawh.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

HEBRAI 11:26

Mesia ruangah tuarnâk chu Aigupta ram rothil tla ngâk hen sum rokual dauh ah a ruat le, mâilei ah lâwmman pêk ding mi chu a chuanh ruangah.

HEBRAI 13:13

Chun, amah an zauhnawnhnâk chu phurh hen kulh dâilêng ah amah sinah kan kal lai.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 JOHAN 2:23

Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 2:28

Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.

THUPHUANG 14:10

chu tla chu Pathian thinthawknâk uain, a thinthawknâk hâi ah khat dil a tleng mi dintu an si lai le, vânmifial thenhlimh tla leh Dawrâ Fa mitmuh ah mei leh kât hen rêp an si lai.