MARK 8:23 - Bawm Common Language Bible Version

²³ Chun, anih nih chun mitchâw kut chu a tleih le, khua lêng ah a suakpi le; chun a mit ah chil a sah le, a tlûnah kut a thâng thluh rawh chun, “Khua na muh kho ma?” ti hen a deih.

MARK 8:23 ပူးပေါင်းရင်းမြစ်များ

ISAI 44:2

Kei, LALPA a nan siamtu chu kasi; na suak liau thawk hen ka nan ṭangpi. Nang chu ka to-aw, ka mi thîm ka dâwt mi na si; ṭih lah.

ISAI 51:18

Âukhawm a nan ruitu ding an um lo. Âukhawm na mi tla lakah kut hen an tleihtu ding an um lo.

JEREMIA 31:32

A lânah anmah thlâktu tla sinah thudântuk li ka siam le, kut hen ka tleih na le, Aigupta mi ka suakpi na liau mi hâwi asi lai lo rawh. Kei chu an lakah pasal hâwi kasi khawm ah, annih nih chun thudântuk chu an zûl lo.

MARK 5:23

“Ka fanu ngâksiatê a thi awt ngâi le, â panh hen a hawng dam khonâk ding hen hawng kal le, a tlûnah na kut thâng ding hen ka nan ngiar,” ti hen, a ngiar chiam.

MARK 7:33

Chun, anih nih chun zapi nâwngah mi amah cho a dang hen a ruai le, a kutmar hen a nakua tla a tham le, chun chil a sâk le, a lei a tham piak le;

MARK 8:24

Chun, a vân a tâu le, “Minung tla ka muh le, thing kal hâwi hen ka muh fâwn,” a ti.

MARK 8:26

Chun, anih nih chun, “Khua khawm ah lût lah,” ti hen a in ah a tlungtir rawh.

THILTI 23:19

Chun, kawrsen hotu lianchem nih chun a kut ah a tleih le, a dangah a kalpi, a thup hen, “Zei me hawng ka simh ding na nei?” ti hen a deih.

THILTI 9:8

Chun, Sawl chu tual ah mi chu a thawk le, chun a hawng meng le, zeikhawm a muh kho lo rawh. Chun, a kut ah an ruai le, Damaska ah an lût.

HEBRAI 8:9

Kut hen Aigupta ram thawk hen ka suakpi na liauah an thlâktu tla sinah thudântuk ka siam mi hâwi khan asi lai lo rawh; an sinah thudân ka tuk mi lakah zumh an kâi lo ruangah, anmah tla chu ngaihlo lêm ka thlâk na,” Lalpa nih a ti.

THUPHUANG 3:18

Minei na si khonâk ding hen ka sinah mi, ngûn thenhlimh châwk ding hen ka nan simh asi. Puanvâr na aih ding hen leh na takkaro ningzakkâi tak chu khuh ding leh na mit ah buaih ding hen mit fâk turpâng tla châwk ding ka nan simh asi, na muh khonâk ding hen.