MARK 8:18 - Bawm Common Language Bible Version

¹⁸ Mit nei ko hen nan muh lo mazei? Nâ nei ko hen nan theih lo mazei? Nan theihkumza lo ma?

MARK 8:18 ပူးပေါင်းရင်းမြစ်များ

SAM 69:23

An mit chawtir na, an kêng tla chaklotir kumza na!

ISAI 44:18

Chubang hâwi minung tla chu an mâwl tuk le, an thilti khawm an theih loh. Thudik lakah an mit an sîm le, an thinlung an khungtir.

JEREMIA 5:21

Nannih mi â leh mi lungkhung, mit nei ko hen muh kholotu leh nâ nei ko hen theih kholotu tla, ngâi u.

EZEKIEL 12:2

“Thikho mi minung, mi hel nâwngah um mi na si. Mit an nei le, sikhawmsele zeikhawm an muh lo; nâ an nei le, sikhawmsele zeikhawm an theih lo, mi hel an si ruangah.

MARK 4:12

Chuvachun, ‘Muh lam chu an muh kho narêng hen, theih lam chu an theih kho lonâk ding hen leh, Nâ hen an theih narêng hen a ngaihtawnhnâk lam chu an theih kho lonâk ding hen. Chu lo chun anna her nawlh lai le, ngaihdam an hawng si sual lebang lai,” a ti.

JOHAN 12:40

“Amah nih an mit a chawtir le, an thinlung a changtir le; chu lo chun an mit hen an muh lai le, an thinlung hen an theih lai le, chun, anna her nawlh lai le, kei nih annih chu ka damh na lebang lai,” ti a sim nawlh ruang hin.

ROM 11:8

“Pathian nih tusûn tiang hen ihmu suaknâk thlarau a pêk le, muh kholonâk mit tla, theih kholonâk nâ tla hen,” ti rîn hâwi khan.

DEUTERONOMY 29:4

Sikhawmsele tusûn ni tiang hen nan thil theih lakah theihthiamnâk zeikhawm a nan pêk na lo rih.

2 THESALONIKA 2:5

Nan sinah ka um liau khan chubang thu chu ka nan simh na tâwn ti nan theihkumza lo ma?

2 PETER 1:12

Hi ruang hin chubang thil tla chu theih hen, thutak nan sinah um hen, nan bir narêng hen, chubang thil chu an theihpi na ding hen ka timhtuah kumza lai.