MARK 7:9 - Bawm Common Language Bible Version

⁹ Chun, amah nih an sinah, “Nanmah thurovuih chu nan tleih khonâk ding hen Pathian thupêk tla nan duh lo hi a ziazâng thungâi nan theih a!

MARK 7:9 ပူးပေါင်းရင်းမြစ်များ

SAM 119:126

LALPA, thil na ti ding a tik a tlung rawh, mi nih na dân thu an zûl duh lo ruangah.

ISAI 24:5

Mi tla nih tual chu Pathian dân buar hen leh thudântuk zungzâl um ding mi chu râwk hen an nawmh.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

DANIAL 7:25

Anih nih Pathian rokual kalh hen thu a sim lai le, Pathian mi tla a nehsawh na lai. Anih nih an phung dân leh kût ni tla dangtîr a tum lai le, kum thum leh a khing chu Pathian mi tla chu amah thuneihnâk tangah an um lai.

MARK 7:13

Mi sinah nan thurovuih singsuan nih hin Pathian thu hi a veih tâwn asi; chu hâwi thil chu tam tak nan ti tâwn,” a ti.

MARK 7:3

(Farisai tla leh Juda tla zawzawng nih chun upa thurovuih chu an tleih thlir ruangah an kut ngenh tak hen an ṭâwl lo chun an ei dahlo.

MARK 7:5

Chuvachun, Farisai tla leh Dân sîntirtu tla nih chun, “Zei rangah me na ṭhiruai tla nih upa thurovuih ziatê a um lo hen, kut nâwm hen sang an ei tâwn?” ti hen an deih.

ROM 3:31

Asi leh, lung ruangah Dân chu zeikhawm lo ah kan siam mazei? Si rîlmâl lo; Dân chu kan birhtir lehlam asi.

2 KORIN 11:4

Kannih nih a thu kan sim le, nan pawm mi, thlarau leh thâwngthâng ṭha silo hen kan sin thawk hen nanna ting mi thlarau leh thâwngthâng ṭha hen a dang ving mi Jisu dang thu simtu âuzawng thungâi nan sâithiam ruangah.

GALATIA 1:14

Chun, hawng kan thlâktu tla thurovuih lakah ṭhanemsemsê ka ngâi fâk khun ruangah Juda phung-leh-lam sawnh dân leikângah chun ka phun leh tla lakah keimah rual tla tam tak ka khûp rawh.

GALATIA 2:21

Pathian zângfahnâk chu ka veih lo, Dân ruangah repnâk a um asi chun Krist chu a thawt hen a thi mi asi lai.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.