MARK 7:6 - Bawm Common Language Bible Version

⁶ Anih nih chun an sinah, “Isai nih hin nannih mi perpê tla thu hi a simkan mi a dik tak ko a! ‘Hi minung tla nih an kâ hen an ka chawnglawmh le, an thinlung lam nih chun an ka lât.

MARK 7:6 ပူးပေါင်းရင်းမြစ်များ

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

JOHAN 15:24

Thil âukhawm ti dahlo mi tla an sinah ti lah sele, sual an nei lo ding mi; tu lam chu annih nih kei leh ka Pa hawng kan muh vevê rawh le, hua khawm hawng kan hua rawh asi.

JOHAN 5:42

nannih kan theih na, Pathian dâwtnâk nan thinlung ah nan nei lo.

THILTI 28:25

Chun, anna remlo rawh le, Pawl nih thu kâ khat a sim thluh ah chun an suak rawh. A thusim chu hi hi asi: “Thlaraau Thenhlimh nih khuavâng Isai kâ ah nan thlâktu tla sinah a sim mi kha a dik thlo asi.

2 TIMOTHE 3:5

Pathian sunhsak mi banghnâk an nei lai le, sikhawmsele a thiltikhonâk chu an lung lai loh; chubang hâwi chu hawitâk rawh.

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.