MARK 6:11 - Bawm Common Language Bible Version

¹¹ Chun, zei khua khawm ah an lawmh na lo hen, nan thu an ngâi lonâk zawng ah chu thawk hen nan suak tikah chun anmah theihtir na ding hen nan kezaphah tangah valeidip kawp mi chu khâwng u,” a ti.

MARK 6:11 ပူးပေါင်းရင်းမြစ်များ

NEHEMIAH 5:13

Puan ka menh mi chu ka sût le, ka thing, “Âuzawng nan thutiam zûllotu chu Pathian nih hi hâwi hen thing seh. Pathian nih na in leh na neih zawzawng lâk hep sele, zeikhawm nei lo hen an siah seh,” ti hen ka sim. Chunah um mi mikip tla nih, “Amen,” an ti le, LALPA an sawr. Churawhchun, ruitu tla nih thu anna tiam rawh.

MATHAI 12:36

“Chun, ka nan simh na, mi nih thu-do-tla-lo an sim kip ah chu thu thâwngthâng chu lâirêl ni ah chun an sim lai.

MARK 6:10

Chun, amah nih an sinah, “Kha zei khawm ah nan tlungnâk in ah chun, chunah mi nan suak lânlo chu tlung kumza u.

LUK 9:5

Chun, an lawmh lo natu zawng chu, chu khua thawk hen nan suak tikah chun anmah theihtirnâk ding hen nan kezaphah ah valeidip chu khâwng u,” a ti.

THILTI 18:6

Sikhawmsele, an do le, an fâi le, Pawl nih a puan a thing le, an sinah, “Nan thihnâk mawh chu nanmah nih phurh ko u, kei lam chu ka thiang asi; tu thawk hen Phundang tla sinah ka kal lai,” a ti.

ROM 2:16

Pathian nih Thâwngthâng Ṭha ka sim hâwitê hen minung thinlung tla lakah mi thuthup tla chu Jisu Krist mang hen lâi a rêl ding Ni ah chun rêl hen an um lai

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

2 PETER 2:6

Pathian nih Sodom leh Gomorah khua tla chu Pathian sunhsaklotu tla tlûnah thil a hawng lang ding mi zauhtirnâk ah siam hen mei ah veih hen an um rawh.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

2 PETER 3:7

Sikhawmsele, tuah vân tla leh tual um mi tla hi, Pathian thu ber hen mei hen veih an si lai le, Pathian sunhsaklo tla lâirêlnâk leh veihnâk ding ni rangah siah an si.

1 JOHAN 4:17

Zângfahnâk thiltum chu kan lakah siam rangtling hen a um rawh: lâirêl ding mi Ni lak khawm ah râlṭha tak hen kan um khonâk chu hi laikulh ah hin Jisu Krist nunchan hâwi put hen kan um ruangah asi.

JUD 1:7

Sodom leh Gomorah leh a kiangkam mi khua ah an um mi tla nih, vânmifial tla hâwi hen hurnâk leikâng thil ti hen kalsualtu tla chu fiang tak hen simh an si hâwi hen zungzâl mei lakah rêp an si mi kha theihkumza u.