MARK 5:34 - Bawm Common Language Bible Version

³⁴ Chun, anih nih chun a sinah, “Ka fanu, na lungnâk hi na dampi asi, lungngam tak hen kal le, na nganfâknâk chu hawng dam pawt seh,” a ti.

MARK 5:34 ပူးပေါင်းရင်းမြစ်များ

2 Lal 5:19

Elisa nih a sinah, “Thlangam tak hen kal rawh,” a ti le, Naaman chu a kal rawh. Tam a kal lo rih,

THUSIMTU 9:7

A mâi masa le, na buh ei le, lâwm tak hen um; na uain din le, thinlung lâwm tak hen um rawh. Pathian sinah um chu a dik asi.

LEVITICUS 14:48

Bâwlpunih in sak thar mi zauh ding a hawng hen buar râi a lang lo asi chun, chu in chu a thiang asi ti hen a phuang lai, chu râi chu a thiang ver rawh ruangah.

MATHAI 9:2

Chun, mi khêng pakhat ihkhun ah itbû hen a sinah an hawng zawnh. Chun, Jisu nih an lung zia a muh hen mi khêng sinah chun, “Ka fa, lungngam tak hen um rawh; na sual tla ngaihdam asi rawh,” a ti.

MATHAI 9:22

Chun, Jisu â her le, amah chu a muh, “Ka fanu, lungngam tak hen um rawh, na lungnâk hi na dampi asi,” a ti. Chun, nunau chu, chu dârkar thawk chun a dam rawh.

MARK 10:52

Chun, Jisu nih a sinah, “Kal rawh, na lungnâk hi na dam phah asi,” a ti. Chun, a muh kho sawm le, lampi ah chun Jisu a zûl rawh.

MARK 3:10

Mi cherkhet a damh na le; chun nganfâk nei mi vial nih amah an tawngh khonâk ding hen an fûk thur.

MARK 5:29

Chun, zeikarlo ah a thî suak chu a hawng reh sawm le, a nganfâk chu damh asi rawh ti a taksa ah a theih rawh.

MARK 5:33

Chuvachun, nunau nih chun a tlûnah thil a ti piak mi chu theih hen, lâu leh thir bû hen a hawng kal le, a mâika ah a bawkbukhup le, a sinah thu dik tak hen a simh ver rawh.

LUK 17:19

Chun, a sinah, “Thawk le, kal rawh, na lungnâk hi na dam phah asi,” a ti.

LUK 18:42

Chun, Jisu nih a sinah, “Muh kho rawh ne, na lungnâk hi na dampi asi,” a ti.

LUK 7:50

Chun, anih nih nunau sinah chun, “Na lungnâk hi ruang na suak phah asi, lungngam tak hen kal rawh,” a ti.

LUK 8:48

Chun, anih nih chun a sinah, “Ka fanu, na lungnâk hi na dam phah asi, lungngam tak hen kal rawh,” a ti.

THILTI 14:9

Chu minung nih chun Pawl thusim a ngâi le, chun Pawl nih chun anih chu a zauh ko le, damnâk ding hen lungnâk a nei ti a theih le,

THILTI 15:33

Chun, chunah chun sâwt dauh an um nûnah anmah fialtu tla sinah tlung nawlh ding hen unau tla nih chun lungngam tak hen an tlungtir nawlh na rawh.

THILTI 16:36

Chun, rêngin vêngtu nih chun Pawl sinah an thu a simh, “Lâirêltu tla nih chun an suah na ding hen mi an hawng fial asi; churuangah tuah hawng suak ule, lungngam tak hen kal u,” a ti.

JEM 2:16

chun, nan lakah âunih mawh, an sinah, “Lungngam tak hen kal ule, lum tak hen leh khim tak hen um u,” ti ule, nungnâk rangah thil herh nan pêk ṭung lo chun zei me a ṭhavak lai?

1 SAMUEL 1:17

“Thlangam tak hen um rawh, Israel Pathian nih na deih mi chu a nan pêk seh,” Eli nih a ti.

1 SAMUEL 20:42

Jonathan nih David sinah, “Pathian na sinah um seh. LALPA nih kei leh nang; ka thlâk tla leh na thlâk tla thutiamnâk thenhlimh hen kanna nei tawnh mi hi theih seh,” a ti. David khawm a kal le, Jonathan khawm khua leiah a kîr.