MARK 5:22 - Bawm Common Language Bible Version

²² Chun, pumhnâk in hotu tla lakah pakhat, a min Jaira chu a hawng kal le; Jisu a muh ka hen a ke bul ah a bawkbukhup le,

MARK 5:22 ပူးပေါင်းရင်းမြစ်များ

MATHAI 2:11

Chun, in sungah an va lût le, a nu Mari sinah nâutê chu an muh le, an bawk le, mâi an mûk; chun, an robâwm tla an awng le, a sinah chun lâwmman ngûn tla, bawrâw tla leh murrah tla an pêk.

MARK 5:33

Chuvachun, nunau nih chun a tlûnah thil a ti piak mi chu theih hen, lâu leh thir bû hen a hawng kal le, a mâika ah a bawkbukhup le, a sinah thu dik tak hen a simh ver rawh.

MARK 5:38

Chun, pumhnâk in hotu in chu a va tlung le, Jisu nih an nawk chur mi leh an ṭap chur mi leh an râk chur mi chu a muh.

LUK 13:14

Chun, Jisu nih Dinhni ah a damh ruangah pumhnâk in hotu chu a thinthawk le, mi zapi chu a sawnh le, an sinah, “Minung rianṭuannâk ding ni ruk a um khateh; chu karah chun hawng ule, a damhtir u, Dinhni ah hawng lo hen,” a ti.

LUK 5:8

Chun, Simon Peter nih a muh rawh chun Jisu khup kiangah a bawkbukhup le, “Lalpa hawng ka kaltâk rawh, misual kasi,” a ti.

LUK 8:28

Chun, Jisu a muh kâ hen a âu le, a mâika ah a bawkbukhup le, hâu fâk tak hen, “Jisu, Pathian Chungnung chem Fapa, kei leh nang zei me kanna tlâinâk um? Hawng ka rêp rîlmâl lah, ka nan ngiar,” a ti.

THILTI 13:15

Chun, Dân leh khuavâng tla lasuibu rêl dih ah pumhnâk in hotu nih an sinah mi an fial le, Unau le tla, mi tla fawrhnâk thu zeimawh nan nei chun sim u,” an ti.

THILTI 18:17

Chun, Greek mi zawzawng nih pumhnâk in hotu Sosthen an tleih le, lâirêlnâk tophah mâika ah chun an vuak le, Galio nih chun chubang an thilti chu zeikhawm ah a siar piak na lo.

THILTI 18:8

Chun, Krispa pumhnâk in hotu nih chun a dâwngsung tla zawzawng hen Lalpa an lung le, Korin khua mi cherkhet khawm nih an theih le, an lung bâk, chun baptis an si rawh.

THUPHUANG 22:8

Chun, kei Johan, hi bang thil zawzawng muhtu leh theihtu chu kasi. Chun, chubang thil tla ka muh hen ka theih rawh chun, a hawng ka zauhtirtu vânmifial chu sawnh ding hen a kê bulah ka bawkbukhup rawh.