MARK 4:39 - Bawm Common Language Bible Version

³⁹ Chun, anih chu a hawng a ṭhang le, thli chu a fâî le, rilî sinah khawm chun, “Dâisip le, um ziar rawh!” a ti. Chun, thli chu a bâng le, a reh dup ko.

MARK 4:39 ပူးပေါင်းရင်းမြစ်များ

JOB LASUIBU 38:11

“Chu tiang nûnlêm ah a dang vawnh lah! Hinah hin na thiltikhonâk tlingtlawk chu dawng seh,” ti hen ka simh.

SAM 107:29

Thlipi a râng mi tla chu a bângtir, tî tlingtlawk tla chu a rehtir.

SAM 148:8

Mîmthlalek leh rial tla, vûr leh sûm tla, thlipi, amah thupêk hâwi hen umtu tla khawm nih LALPA chu sawr u.

SAM 29:10

LALPA nih chun tî thûk tak tlûnah Lalchem si hen zungzâl hen lâi a rêl.

SAM 65:7

Tipi tla rihâu chu na bângtir le, a tlingtlawk mi rihâu tla leh zapi rihâu tla khawm na bângtir.

SAM 89:9

Tipi thiltikho tak tlûnah lâi na rêl le; a tlingtlawknâk chu na rehtir.

EXODUS 14:16

Na ṭhianṭhunh kha tleih le, tipi tlûnah lirh; tî a hawng ṭhêk lai le, Israel mi tla chu tual châr tlûnah kal hen tipi an tan kho lai.

EXODUS 14:22

Israel tla nih tipi chu tual châr tlûnah kal hen an tan, tî chu khatlei khatlei hen vâm hâwi hen â sawng dun.

THUFING LASUIBU 8:29

Tipi mi tî amah nih a sim mi rî lêm kal lo ding hen thu a pêk liauah leh tual a siam lân khawm ah ka um ving rawh.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

LUNGFÂKNÂK 3:31

LALPA chu mi khuaruat tak asi le, hawng kan nawng kumza ding asi lo.

NAHUM 1:4

Tipi chu thu a pêk le, a kang hep, tiva tla chu a kangtir. Basan ah mi phâisen tla chu a uai hep le, Karmel tlâng tla chu a senduk, Lebanon tlâng chawmpâr tla khawm a nawh hep.

MATHAI 8:26

Chun, Jisu nih chun an sinah, “Lung tâwm tla, zei rangah nan ṭih?” a ti. Churawhchun, a thawk le, thli leh rilî chu a fâi le; chun a hawng reh dup ko.

MARK 4:38

Chun, anih chu sanhtling tlinh a it hen, lawng taw leiah chun a um. Chun, an thawh le, a sinah, “Sîntirtu, kan vei ding mi hi pawi na ti lo ma?” an ti.

MARK 9:25

Chun, Jisu nih mi zapi an hawng tek le, anna pûm liau a muh rawh chun khuri nâwmtâm chu a fâi le, a sinah, “Nang, khuri hawlh kho lo leh nasêt, thu ka nan pêk, a sungah mi suak le, lût nawlh lah rawh,” a ti.

LUK 4:35

Chun, Jisu nih a fâi le, “Dâisip le, a sungah mi hawng suak rawh,” a ti. Chun, khuri nih chun a lâi ah a thlûk le, nganfâk pêk lo hen a sungah mi chu a suak rawh.

LUK 4:39

Chun, a kiangah a dîr le, a râifanh chu a fâi le, a reh rawh le; chun a thawk sawm le, an herh phung a timhtuah piak na rawh.

LUK 8:24

Chun, a sinah an va kal le, an thawh le, “Sîntirtu, Sîntirtu, kan vei awt hi!” an ti. Chun, Jisu chu â ṭhang le, thli leh titlingtlawk chu a fâi le; chun a bâng le, a reh rawh.