MARK 4:31 - Bawm Common Language Bible Version

³¹ Anṭam chî mal khat tual ah an vawrh le: tual ah chî zawzawng ngâk hen mê chem khawmsele,

MARK 4:31 ပူးပေါင်းရင်းမြစ်များ

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

ISAI 53:2

Thil phun tual châr lakah a ram a thlâk mi hâwi hen a to-aw ṭhang ding mi chu LALPA duhzia asi. Amah kan theih khonâk ding hen rokualnâk leh dawhnâk khawm a nei lo. Amah lakah duhrim a kâinâk khawm a um lo le amah lakah va a bek ding hen duh san ding zeikhawm a um lo.

ISAI 60:22

Na dâwngsungkhur tâwm chem leh nâu chem khawm, Phun rokual thiltikho tak an si lai. Tik dik tak a hawng tlung chun ka umtir sawm lai. Kei LALPA kasi!” a ti.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

ZEKARIA 12:8

Chu tikah chun Jerusalem ah um mi tla chu LALPA nih a hum na lai le, anmah lakah a chak lo chem mi khawm David hâwi hen an chak lai. David thlâk tla nih chun LALPA vânmifial hâwi leh amah Pathian tak hâwi hen an rui na lai.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MARK 4:30

Chun, Jisu nih, “Pathian Ram chu zei hen me kan tahṭhimh lai? Asi lo leh, zei tahṭhimh thu hen me kan tahṭhimh lai?

MARK 4:32

a vawrh nûnah lam chun a kho le, thlâi zawzawng ngâk hen a hawng lian dauh rawh. Ṭeng lian tatak a nei le, chuvachun tlûn zuang vâ tla chu a dâidul ah an bû an tuah le, an um,” a ti.

LUK 17:6

Chun, Lalpa nih chun, “Anṭam chî fang khat hâwi lungnâk nan nei chun, hi theipi kûng sinah hin, ‘Hawng a phâwi le, tisumsumriat ah va a phun, nan ti lai le, nan thu a âwi ko lai,” a ti.

THILTI 19:20

Chu hâwi tluk fâk hen Lalpa thu chu a zan le, a neh vima rawh.

THILTI 2:41

Chun, a thu zâwttu vial baptis an si rawh le, chu ni ah chun mi sâng thum sap hen an um.

THILTI 21:20

Chun, unau tla nih chun chubang thu chu an theih hen Pathian an chawnglawmh; chun Pawl sinah, “Unaupa, Juda tla lakah lungtu tla tam zia na muh le, an ektê hen Dân leiah ṭhanem an ngâi asi.

THILTI 4:4

Sikhawmsele, thu ngâitu tla lakah cherkhet nih an lung le; an tam lei chu patling vial khawm sângnga an tling.

THILTI 5:14

Chun, Lalpa ah lungtu mipi leh nunau cherkhet tla chu an sinah sap hen an um vima tâwn.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.