MARK 4:28 - Bawm Common Language Bible Version

²⁸ Tual nih amah rah a hawng suahtir tâwn. A tîr chem ah a kûng, chu nûnah chun a vûi; chun chu nûnah a vûi lakah chun fângmal bit.

MARK 4:28 ပူးပေါင်းရင်းမြစ်များ

GENESIS 2:9

Chunah chun thing dawh tak zât kip rah suah mi a khotir. Dûm lâi chirah chun nungnâk thing leh sia leh ṭha theihnâk thing a um.

SAM 1:3

Annih chu tinung va kapah thing a kho mi, A tik tê ah rah tâwn mi, a nah khawm châr dahlo mi hâwi an si; An thilti zeizawng ah anna dingchang.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

THUSIMTU 3:1

Thil zeizawng laikulh ah a hawng um mi chu Pathian nih tik leh ri a ruat mi hâwi hen a hawng um.

THUSIMTU 3:11

Thil zeizawng rangah tik dik tak a ruat. Anih nih chun mâilei thu theih duhnâk hawng kan pêk le, sikhawmsele a thilti tla theihthiam ver hen lâwmnâk hawng kan pêk dahlo.

ISAI 61:11

A chî a keuh hen a hawng ṭhang tatak rawh chun, LALPA Zahkâi nih a mi tla ruang a suah na lai le, Phun zawzawng nih amah an sawr lai rawh.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

MATHAI 13:26

Chun, fâng chu a hawng kho le, a hawng vûi le, fâng telê chu a hawng lang rawh.

MARK 4:27

zân ah it thlit hen sûn ah thawk tâwn sele, chî chu zeitin mi zât asi ti theih lo hen a hawng keuh hen a hawng ṭhang rawh.

MARK 4:29

Sikhawmsele, rah chu a hawng min tikah fâng ât a chû ruangah favah chu a thuak sawm tâwn,” a ti.

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.