MARK 4:24 - Bawm Common Language Bible Version

²⁴ Chun, amah nih an sinah, “Nan ngâi mi chu zei me asi a thiamthih u; nan tahnâk lîlâ hen an tah piak na lai le, an pêk tam khun na lai.

MARK 4:24 ပူးပေါင်းရင်းမြစ်များ

THUFING LASUIBU 19:27

Ka fapa, sîntirnâk na duh lo hen na thlawrhthlâu chun, na theih chia tla khawm na thlawrhthlâu lai.

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

JEREMIA 17:21

Nung ding an duh chun Dinhni ah zei thilrit khawm an phurh ding si lo; Jerusalem kulh sungah zeikhawm an put hen an lûtpî ding asi lo,

MATHAI 7:2

Nan simsâwi na hâwi ber hen an simsâwi na lai; nan tahnâk tê hen an tah piak nawlh na lai.

MARK 9:7

Chun, anmah tla liah hen sûm a hawng zîng le, chun sûm ah chun aw a hawng suak le, “Hi hi ka Fapa duhtak asi, amah thu ngâi u,” a ti.

LUK 8:18

“Chuvachun, zei hâwi hen se nan theih a thiamthih u; âuzawng a nei mi vial sinah an pêk sap lai le, âuzawng a nei lo mi vial nei hen anna ruat lem mi khawm an suh lai,” a ti.

JOHAN 10:16

Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 10:27

Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

JOHAN 5:25

Thungâi tak hen ka nan simh na, a tik a tlung awt rawh, tu khawm ah a tlung liau chir, chu tik ah chun mithi tla nih Pathian Fapa aw-hâu an theih lai le, a theihtu vial an nung lai.

THILTI 17:11

Chunah mi tla chu Thesalonika khua tla ngâk chun an ṭha dauh le, chun thinlung lâwm tak hen thu chu an pawm le, an thu chu a dik leh diklo theih ding hen nisiar hen Pathian lasui thu ah an hâwl tâwn.

2 KORIN 9:6

Sikhawmsele, chu leikângah vawrh tâwm mi nih chun a ât tâwm lai, a vawrh tam mi nih chun a ât tam lai.

HEBRAI 2:1

Churuangah, nâ hen kan theih mi tla kha semsêngâi tak hen kan sunhsak khun ding asi, chu lo chun kan vei sual lebang lai.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.