MARK 2:7 - Bawm Common Language Bible Version

⁷ “Hi minung nih hin zeirang ah me hi hâwi hen thu a sim? Pathian a simsâwi asi hi; mi pakhat, Pathian cho lo nih chun âunih me sual tla ngaihdam kho?” ti hen, an thinlung hen anna ruat.

MARK 2:7 ပူးပေါင်းရင်းမြစ်များ

JOB LASUIBU 14:4

Zei thil tal minung a nâwm mi thawk hen chun thil thiang a suak dah loh.

SAM 130:4

Sikhawmsele nangnih na kan ngaihdam le, zah tak hen kan zûl khonâk ding hen.

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

DANIAL 9:9

Na lakah hel menza khawmsele, kan lakah khua na ruat hen na kan ngaihdam.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

MATHAI 26:65

Chun, Bâwlpu Lalchem nih chun a nipuan tla a thlêk le, “Pathian a simsiat rawh; theihpitu dang zei kan herh lai rawh? Pathian a simsiat zia tu ah nan theih rawh, zeitin nan ngaih?” a ti.

MATHAI 9:3

Chun, Dân sîntirtu tla zeimaw mi tla nih chun an thinlung hen, “Hi minung nih hin Pathian a simsiat asi hi,” an ti.

MARK 14:64

Pathian a simsiat zia chu nan theih rawh le, zeitin nan ngaih?” a ti. Chun, an ektê hen anih chu thi tlâk asi ti hen an thlûk.

MARK 2:6

Chun, Dân sîntirtu zeimaw mi tla chu chunah chun an to le,

MARK 2:8

Chun, Jisu nih an thinlung ah chu hâwi hen an ruat ti a thinlung hen a hawng theih sawm le, an sinah, “Chubang thu chu zei rangah me nan thinlung ah nan ruat?

LUK 5:21

Chun, Dân sîntirtu tla leh Farisai tla nih chun, “Pathian simsiattu hi âu me si le? Pathian cho lo nih chun âunih me sual tla ngaihdam kho?” ti hen, an ruat.

LUK 7:49

Chun, a buh dûmpitu tla nih, “Sual tla khawm ngaihdam khotu hi âu me si le?” anna ti.

JOHAN 10:33

Juda tla nih chun a sinah, “Rian ṭha ruangah lung hen kan seh awtlo; Pathian na sâwi ruangah leh nang minung si ko hen Pathian ah na siam ruang hin asi dauh!” ti hen, an sâng.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?