MARK 2:16 - Bawm Common Language Bible Version

¹⁶ Chun, Farisai tla lakah Dân sîntirtu tla nih chun Jisu nih misual tla leh siah khawlhtu tla a dûmpi na mi an muh rawh chun, a ṭhiruai tla sinah chun, “Zei zia me siah khawlhtu tla leh misual tla sinah a ei hen a din?” an ti.

MARK 2:16 ပူးပေါင်းရင်းမြစ်များ

ISAI 65:5

Churawhchun, midang tla sinah, ‘Kan sinah mi a kiang u, nannih tawngh ding hen kanna thenhlimh tuk! Chubang mi tla hâwi hen ka dîr kho lo, an lakah ka thinthawknâk chu mei mit kho lo mi hâwi asi.

MATHAI 18:17

Chun, annih khawm chu a ngâi piak na lo chun, kawhmi tla sinah tlunh le; chun kawhmi tla khawm a ngâi piak na lo chun anih chu Phundang leh siah khawlhtu hâwi hen ruat si seh.

MATHAI 5:46

An dâwt natu cho nan dâwt chun lâwmman zei me nan tawng lai? Siah khawlhtu tla khawm nih chu hâwi hen an ti bâk lo mazei?

MATHAI 9:11

Chun, Farisai tla nih chu chu an muh rawh chun a ṭhiruai tla sinah, “Zei rangah me nan sîntirtu nih siah khawlhtu tla leh misual tla sinah a ei le?” an ti.

MARK 2:15

Chun, hi hâwi hi Jisu nih chun Levi in ah chun buh khêng a dûm le, siah khawlhtu tla leh misual cherkhet nih Jisu leh a ṭhiruai tla chu an dûmpi na. An tam ngâi dangâi ah Jisu chu an zûl bâk tâwn.

MARK 2:7

“Hi minung nih hin zeirang ah me hi hâwi hen thu a sim? Pathian a simsâwi asi hi; mi pakhat, Pathian cho lo nih chun âunih me sual tla ngaihdam kho?” ti hen, an thinlung hen anna ruat.

LUK 18:11

“Farisai chu a dîr le, amah lâwng hen hi hâwi hen thla a cham: ‘Pathian, midang hâwi hen lêp mang le, replo le, ṭângdang pawmtâktu kasi lo ruangah leh hi siah khawlhtu hâwi khawm hi kasi lo ruangah na tlûnah ka lâwm.

LUK 19:10

Tlâu leh vei hâwl leh ruangsuah ding hen Minung Fapa hi a hawng kal ngen asi,’ a ti.

LUK 19:7

Chun, chu chu an muh kâ hen an ektê hen, “Misual sinah tlung ding hen a lût rawh khi! ” an ti le, an chipchiar.

LUK 5:30

Chun, Farisai tla leh Dân sîntirtu tla hen, anmah murui lakah mi, a ṭhiruai tla tlûnah an chipchiar le, “Zei rangah me siah khawlhtu tla leh misual tla sinah nan ei hen nan din?” an ti.

THILTI 23:9

Chun, thungâi anna nawk rawh; Farisai leiah mi Dân sîntirtu tla zeimaw mi an dîr le, an êl, “Hi minung hi a sualnâk zeikhawm kan theih loh; thlarau khawm nih vânmifial khawm nih hawng kan sawnh menza khawmsele zei me pawi lai?” a ti.

1 KORIN 2:15

Thlarau lam nih chun thil zeizawng a theihfiang tâwn, amah chu âukhawm nih an theihfiang lo.

HEBRAI 12:3

Nanna dâithlanh hen nan lungdawng lonâk ding hen Jisu chu misual amah huatu tla lakah â dawnhkho zia chu ruat u.