MARK 16:5 - Bawm Common Language Bible Version

⁵ Chun, thlân sungah an lût le, tlangvâl pakhat puan vâr aih mi, vawrhlei kângah to an muh le; an lawksawng rawh.

MARK 16:5 ပူးပေါင်းရင်းမြစ်များ

DANIAL 10:12

Churawhchun, anih nih “Danial, ṭih lah, Pathian nih theih ding duh hen nâu tak hen a ni khat ni ah thla na cham mi kha Pathian nih a theih le, na thlachamnâk sâng ding hen hawng mi kasi.

DANIAL 8:17

Gabriel chu a hawng le, ka kiangah a hawng dîr, ka ṭih tuktarâi le, tual ah ka tlû thlo. Anih nih ka sinah, “Thikho mi minung, a umzia hi theih rawh. Hi langhnâk hi laikulh dawnghnâk leikângah ti ding mi asi,” a ti.

MATHAI 28:3

A mêl umzia chu mîmthlalek hâwi asi le, a nipuan tla chu vûr hâwi hen a vâr.

MARK 1:27

Chun, an ektê hen thungâi chê an ti. Chuvachun, “Hi hi zei me si le? Sîntirnâk thar asi ma hi! Khuri nâwmtâm tla khawm thu nei tak hen thu a pêk le, a thu anna âwi vima ko râu,” ti hen, anna cheih.

MARK 14:33

Chun, Peter, Jem leh Johan tla chu a ruai na le, thungâi a thlakâm hen a lawksawng rawh.

MARK 16:4

anna ti liau chirah an va chuanh le, lung chu rilh chia hen an muh le, lung chu a lian thlo asi.

MARK 9:15

Chun, mi zapi zawzawng nih chun Jisu an muh ka hen chun chê an ti ngâi le, a sinah an tek sawm le, chibai an va bûk.

LUK 1:12

Chun, Zekaria nih a muh kâ hen a lawksawng le, ṭih khawm a ṭih.

JOHAN 20:8

Chuvachun, ṭhiruai dang, thlân tlung masa mi khawm chu a lût bâk le, a muh le, a lung.